Reportajen estudante estajiadu UNTL, Joselina dos Santos
Sekretáriu Estadu Juventude Desportu (SEJD) ho Enkarregadu Embaixadór Cuba no reprezentante Nasoens Unidas (UN) iha Timor-Leste hala’o konferénsia imprensa ba públiku kona-ba atividade II Festival Desportu nian husi Kaiman “Lafaek” ne’ebe sei realiza iha loron 16 Jullu 2022 no sei partisipa husi parte relevante sira inklui komunidade sira.
Iha konferénsia imprensa ne’e, Diretór Jerál iha Sekretáriu Estadu Juventude Desportu (SEJD), David Tomas de Deus hateten reaertura zona livre veíkulu no festival desportu ba daruak nian, kooperasaun 20 anos entre Timor-Leste ho Cuba iha Timor-Leste no mos Organizasaun Nasoens Unidas iha Timor-Leste.
“Atividade sira hanesan maratona ho 2 kilómetru, sei hahú husi embaixada Cuba no remata iha SEJD, atividade seluk mak halai bisikleta ho 12 kilómetru, nia rute hahú husi Embaixada Cuba liu ba Ozemviu depois sa’e ba ponte CPLP, tuir dalan boot remata iha SEJD”, Dehan, Diretór Jerál iha Sekretáriu Estadu Juventude Desportu, David Tomas de Deus iha Konferénsia Imprensa, iha salaun SEJD, 14/07.
Diretór hatutan atividade seluk ne’ebe sei realiza iha SEJD mak jogu voleiból, futsal, halimar Cadres ka Catur, jogu animasaun no Aeróbika, maratona. Sei hahú husi tuku 07:30 to’o remata
“Atividade sira ne’e realiza tanba kooperasaun entre SEJD ho Embaixada Cuba no Nasoens Unidas parte Universidade Nasionál Timor Lorosa’e (UNTL), no Polícia Nasional Timor Leste (PNTL), inklui professors Cubanu sira, tanba ne’e SEJD husu ba entidade relevante liu-liu ba komunidade sira atu partisipa ba atividade ida refere”, nia salienta.
