Home EduTek COVID-19 Afeta Prosesu Aprendizajen Eskola 12 de Novembru Tanba Materia La Kompletu

COVID-19 Afeta Prosesu Aprendizajen Eskola 12 de Novembru Tanba Materia La Kompletu

199
0
ekilpa klinika jurnalismu halo entrevista iha eskola 12 de Novembru. [Foto: Ekipa Jurnalismu | 27.09.2020]

Reportazen ekipa klinika jurnalismu UNTL-UNESCO

Pandemia COVID-19 to’o ohin loron kontinua sai preokupasaun global, numeru kazu konfirmadu tuir dadus Organizasaun Mundial Saude (OMS) kada loron sae ba bebeik, virus ne’ebe bele daet lalais hosi ema ida be ema seluk ho distansia menus hosi metru ida, halo OMS hasai protokolu COVID-19 ne’ebe mak hateten tenke uza maskra, fase liman bebeik ho sabaun no halo distansia fiziku no sosial, liu-liu iha fatin publiku hanesan eskola, merkadu no fatin publiku sira seluk.

Iha kazu Timor nian bainhira nain 24 konfirmadu positivu iha fulan Maiu nia laran, governu aplika estadu emerjensia hodi limita movimentu iha fatin publiku sira durante fulan rua nia laran.

Virus ne’e afeta tebes ba prosesu aprendizajen eskola sira, tanba tenke halo distansia fizku, maibe difikuldade ne’ebe eskola publiku sira hasoru menus sala eskola no fasilidade ba prevensaun COVID-19.

Ekipa klinika jurnalismu UNTL-UNESCO, hakbesik eskola Sekundaria JEral (ESJ) 12 de Novembru Becora, iha fatin refere Ekipa jurnalismu dadalia ho estundante Lucinda Moro konaba impaktu COVID-19 ba sira nia eskola.

Nia dehan  durante prosesu aprendizajen nia laran, estudante barak lakon oportuniade ba materia sira tanba labele halao eskola hanesan iha tempu normal.

“Ami labele hala’o ami nia eskola hanesan bain-bain, no mos professor sira mos lakon oprtunidade, tanba laiha tempu atu fahe materia ba ami no la hanorin ami”, hateten Lucinda

Maske to’o ohin loron Timor-Leste sei iha linha verde katak sedauk iha tan kazu konfirmadu foun, maibe OMS ho Ministeriu Saude husu nafatin ba populasaun atu kontinua uza maskra, halo distansia fiziku no fase liman bebeik ho sabaun, iha tempu normalidade foun (new normal.red).

Ba klinika jurnalismu Lucinda hatete nudar estudante kumpri regras hosi OMS no eskola implementa tuir, ho nune’e fahe turma A ho B hodi truka malu tama eskola, katak turma A tama semana ida no turma B tama semana ida.

Iha fatin hanesan estudante Marciano Madeira hateten wainhira mosu Pandemia COVID-19, sira hasoru difikuldade barak hanesan lakon materia no hela iha uma de’it, sira la bele aprende ho di’ak.

“Problema iha eskola ne’e mos professor sira esplika liu-liu de’it, tamba ami nia prosesu aprendizajen ladun la’o ho di’ak, dezafiu ami hasoru barak maibé tenke buka tempu hodi buka professor sira hodi esplika di’ak liu tan”, tenik Marciano

Nia konfesa katak antes COVID-19 afeta Timor, prosesu aprendizajen lao ho diak tebes tanba sira tama aula lor-loron, maibe wainhira COVID-19 mosu fó impaktu bo’ot ba prosesu aprendizajen no lakon materia barak.

Klinika jurnalismu mos dadalia ho Diretor 12 de Novembru, Aniceto P. da Costa hateten pandemia COVID-19 fo impaktu negativu ba Timor. Nia dehan iha eskola 12 de Novembru priense kedas kriteria hosi OMS no Ministeriu Edukasaun Juventude no Desportu (MEJD), prepara ekipamentus ba estudande sira hanesan bee moos no sabaun, halo distansia sosial no fizku hodi bele hetan sertifikadu COVID-19 nian.

Ho problema ne’e Direitor orienta manorin sira kada materia, tenke halo rezumu hodi nune’e estudante sira tama fila fali kopia deit, nune’e bainhira tama fali eskola sira estuda deit no hakerek deit iha kuadru.

“Ami hato’o ona proposta ba iha Ministeriu Edukasaun, liu husi karta no  oral  maibé to’o ohin loron ami sedauk hetan rezultadu positivu”, nia dehan

*(Joselina dos Santos no Jorgina M.Amaral nudar estudante UNTL ne’ebe partisipa iha formasaun klinika jurnalismu UNTL-UNESCO, no mentor publika sira nia artigu iha Neon Metin)

LEAVE A REPLY

Please enter your comment!
Please enter your name here