Estudante ESTV-EEC Labele Halo Estajiu Hanesan Uluk Tanba Impaktu Hosi COVID-19

272
0

Reportazen klinika jurnalismu UNTL-UNESCO

Eskola publiku sira hasoru impaktu hosi COVID-19 tanba afeta tebes ba prosesu aprendizajen. Ekipa klinika jurnalismu hakat ba Eskola Sekunadria Tekniku Vokasional-Eskola Ekonomia e Komersial Becora (ESTV-EEC) hodi observa direita situasaun iha eskola refere.

Ekipa klinika jurnalismu dadalia ho estudante Nivia Guterres de Jesus relasiona ho impaktu COVID-19 ba nia estudu. Nia konfesa katak moras COVID-19 afeta tebes ba prosesu aprendizajen tanba lakon materia barak no estudante terseiru ano atu tun ba estajiu iha terenu hodi halo peskiza, maibe tanba labele tanba iha tempu ermejensia limita tiha movimentu.

Iha fatin hanesan estudante Paulo Moreira ba klinika jurnalismu hateten durante estadu emerjensia fulan tolu prosesu aprendizajen la lao. Sente hasoru dezafiu boot durante estadu emerjensia nia laran, tanba lakon oportunidade barak liu-liu materia eskola nian.

Maibe Paulo hateten situasaun ne’e mos fo reflekasaun ba nia, maske lakon materia barak iha eskola, maibe iha parte ida protokolu COVID-19 ne’ebe fo sai hosi Organizasaun Mundial Saude (OMS), hodi alerta ema hotu prevene-an hosi COVID-19, liu distansia fiziku, uza maskra no fase liman bebeik, bele salva ita hosi virus refere.

Hatan ba preokupasaun hosi estudante sira, ekipa klinika jurnalismu dadalia mos ho Diretor ESTV-EEC, Aderito Luis da Costa konaba situasaun relasiona ho COVID-19. Diretor Luis hateten durante estadu emerjensia hetan tulun hosi Ministeriu Saude no Ministeriu Edukasaun Juventude no Desportu (MEJD) haruka ekipa rega aimoruk ka disinfekta ba eskola refere, uza maskra, fase liman ho bee no halo distansia fiziku.

Konaba estudante balun ne’ebe atu halo pratika iha terenu no halo estajiu durante fulan 3, ida ne’e mak tempu la to’o ona, tanba impaktu hosi COVID-19, ne’ebe limita movimentu. Ho nune’e estudante sira foti deit dadus iha instituisaun sira, hodi hakerek deit rezultadu hosi peskiza.

Total estudante hamutuk 600 eskola iha ESTV-EEC Becora no tuir observasaun hosi ekipa klinika jurnalismu, sira kontinua kumpri protokolu COVID19, hodi preven-an hosi COVID-19, maske Timor sedauk iha kazu foun.

Iha fulan Maiu Timor-Leste konsege afeta kazu konfirmadu hamutuk 24 no iha fulan Agostu afeta kazu foun hamutuk 2. Dadus hosi global COVID-19 hosi OMS hatudu katak ema ne’ebe afeta kazu COVID-19 hamutuk 32,429,965 no ema ne’ebe mate hamutuk 985,823.

*(Joana Alves no Lola Sarmento Ximenes nudar estudante UNTL ne’ebe partisipa iha formasaun klinika jurnalismu ne’ebe organiza hosi UNTL-UNESCO, ho nune mentor publika sira nia artigu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here