Home Notisia Valoriza Loron 30 Agostu, Eternal Friends no Kadalak Organiza Marsa

Valoriza Loron 30 Agostu, Eternal Friends no Kadalak Organiza Marsa

357
0
longa marsa komemora 30 Agostu. [Foto: David da Costa | 30.08.2020]

Reportazen David da Costa Gusmao

Ohin loron 30 Agostu nudar loron istoriku ba povu maubere ne’ebe mak determina sira nia votus hodi hili ukun rasik-an iha tinan 1999.

Komemorasaun Konsulta Popular bad ala 21, eis-seminarista Eskola Seminariu Menor Nossa Senhora de Fatima (SENOFA), ne’ebe halibur-an hosi grupu Eternal Friends no Kadalak halao longa marsa iha jardim 5 de Maiu to’o Jardim BJ Habibie Bidau

Prezidente Komisaun Ogranizadora, Gabriel C.  De Jesus hateten longa marsa ne’ebe lao husi jardim 5 de Maio to’o jardim BJ.Habibe Bidau ho objetivu atu fó omenájem bá eroi ne’ebe mak lakon sira nia vida no hetan kastigu oin-oin iha situasaun difísil, iha luta libertasaun nasionál Timor nian”, dehan Gabriel iha jardim BJ.Habibe Bidau, Domingo 20/08.

Nia hateten iha 30 de Agostu ema barak mak fó nia sakrifisiu bá rai Timor ida ne’e, atu Timor bele hetan nia indepedensia.

“Iha momentu 30 Agostu ida ne’e iha ita nia eroi, ita nia inan, aman no maun sira fó sira nia kontribuisaun bá ita nia rai Timor ida ne’e, atu nune’e bele ita nia rai Timor-Leste hetan indepedensia, entaun Esternál Friends ho kadalak iha inisiativa atu organiza eventu sira hanesan ne’e, para bele fanu fali jovens sira hodi nafatin valoriza momentu sira hanesan 38 Agostu ne’e”, nia esplika.

Iha fatin hanesan estudante José Tozino sente kontente tanba bele partisipa atu bele lembra fali momentu sira ne’ebe importante ne’ebe uluk eroi sira luta.

“Ida ne’e atu repete fali terus no susar ne’ebe ita nia eroi no eroina sira hasoru iha tempu uluk, nu’udar jerasaun foun maske ita hatene terus ne’ebe uluk sira sofre, maibe liu husi eventu sira hanesan ne’e, fanu fali ita atu nune’e ita bele banati tuir fali sira nia dalan, no husi ida ne’e mos bele hafanu jovens sira labele hanoin deit bá ita nia an, maibe hanoin mos bá ita nia eroi no ita nia nasaun”, dehan nia.

Longa marsa ne’ebe organiza husi grupu Esternál Friends ho kadalak, hetan partisipasaun maximu husi estudante Eskola Ensinu Sekundaria Jerál Oubliku no privadu sira iha Dili, Universitariu, sosiedade sivil, juventude, komunidade no labarik sira.

LEAVE A REPLY

Please enter your comment!
Please enter your name here