Home Notisia Traballadór Timoroan na’in 64 Sei Aranka Ba Korea Sul Iha Loron 12...

Traballadór Timoroan na’in 64 Sei Aranka Ba Korea Sul Iha Loron 12 Fevereiru

411
0
Traballadór Timoroan na'in 64 halo despedida antes dezloka ba Korea. [Foto: Agustina | 08.02.2023]

Reportajen Estajiada Agustinha Amaral

Sekretáriu Estadu Formasaun Profisionál no Empregu (SEFOPE) liu husi Diresaun Nasionál Empregu Exterior, sei haruka tan traballadór Timoroan hamutuk na’in 64 ba Korea Sul iha loron 12 Fevereiru.

Diretor Nasoinal Empregu Exterior, Felomeno Soares, hateten, traballador ne’ebé aranka ba Korea Sul ne’e hamutuk na’in 64 sei ba servisu iha área fábrika nian.

“Ba Korea tanba esforsu no sakrífisiu ne’ebé imi nia maun sira halo ona iha pasadu, imi nia komportamentu no servisu di’ak sei oferese imajen di’ak ba ema Korea no iha futuru alin barak mak ba Korea bainhira servisu di’ak iha ne’ebá,” Diretor ne’e fo mensajen liu husi diskursu iha serimónia despendida traballador sira iha, Salaun Timor Lodge Komoro, Kuarta-feira, 08/02.

Nia informa, traballador sira ne’e reprezenta Timor-Leste iha ne’ebá, entaun povu Korea atu hatene Timor liu husi sira ni-nia komportamentu servisu iha ne’ebé hala’o iha ne’ebá.

Alein de ne’e, nia husu ba traballador sira karik hetan problema servisu nian liu-liu karik la komprende lei laboral nian iha ne’ebá favor konsulta patraun ka ema ne’ebé hatene, tanba rona katak tan de’it problema ki’ik oan ida lakoi rezolve nune’e problema nee sai boot. Ba traballador sira karik hakarak muda fatin tenke husu lisensa ba patraun ka rai hela provas.

Nia haktuir, servisu iha ne’ebá ne’e nu’udar oportunidade ida di’ak ba Timoroan sira hodi hetan esperiénsia no osan maibé laos fasil traballador sira sei servisu iha loron manas, tasi malirin maske todan maibé hatudu hahalok di’ak oin hamnasa tanba buat di’ak sei mosu.

Iha sorin seluk, reprezentante Embaxador Korea Sul, Jooyun Yang, hateten, antes atu ba Korea Sul tenke  kuidadu aan para labele kona moras Covid-19, nune’e labele prejudika sira no to’o iha ne’ebá sira sei loke konta bankaria, tanba ne’e presiza lori sira nia kartaun BI ka eleitoral, la’os pasporte.

“Ha’u hakarak hato’o hela mensajen, buat tolu ne’ebé mak ita boot sira labele halo durante iha Korea, depois buat tolu ne’ebé ita boot sira tenke halo durante iha Korea, ba dahuluk ida primeiru liu mak labele komete iregularidade, labele sai ilegal, governu Korea depois iha mudansa administrasaun depois troka prezidente foun sira iha polítika ne’ebé makas teb-tebes, atu kombate ema sira komete iregularidade,” dehan Embaixador Korea Sul ba traballador sira.

Embaixador ne’e hatete, iha tinan kotuk iha fulan Outubru-Novembro governu halo operasaun durante fulan rua konsege kaer ema 10.000 mil ne’ebé mak konsege identifika iha Korea, entre sira 10.000 mil ne’e kuaze 3.500 mak sira deporta fila. Kuaze 1.500 mak husi Tailándia ema deporta fila ba sira nia rai, depois restu husi 7.000 ne’e sira fo opsaun ba sira.

Print Friendly, PDF & Email

LEAVE A REPLY

Please enter your comment!
Please enter your name here