Reportazen Adalgisa Pereira
Hodi komemora loron Konsulta Popular bad ala 21, grupu Gembel arte kolektivu ho inisiativa realiza atividade pinta no hakerek ho tema “Obrigadu ba imi nia votus ohin ami livre”.
Koordenador Jeral Area Pinta iha Gembel, Andre do Santos hateten atu hanoin fali iha tempu pasadu iha loron 30 de Agosto 1999 ne’ebe determina ukun rasik an ho nunee, Gembel iha inisiativa rasik, hare ba loron ne’ebe importante tebes tamba iha tempu pasadu iha tinan 1999, ema hotu partisipa iha loron votasaun ba ukun rasik-an nian.
“Ami iha inisiativa rasik atu fo hanoin fila fali loron ida nee, momentu liu tiha ona no ami nudar jerasaun foun halo ida nee, hodi hatudu katak tempu ida ne’eba ita mañan no agora ida nee asaun dame, hatudu ba joven hotu-hotu liu husi pinta”, dehan Andre do Santos ba Neon Metin iha Bidau, 30/08.
Nia haforsa liu tan katak atividade ida nee, sira pinta ho idak-idak mai ho nia karakter no material rasik iha komemorasaun loron konsulta popular ba dala rua.
“Kona ba pinta deit idak idak mai ho nia materiais no ideias ne’ebe mak sira atu halo iha loron ida nee, tamba iha tempu ne’eba atu determina ita nia ukun rasik an lori liman ho pregu ida, ohin loron ita manan”, dehan Andre do Santos.
Iha aktividade ne’e koordenador hanoin fila fali katak nia inan-aman ho ema sra hotu lori pregu hodi tuu, “obrigadu ba imi nia votus, ohin ami hotu livre”, katak joven agora tempu livre ona, maibe livre laos k ba problema, maibe livre atu halo netik buat ruma.