Reportajen Silvino Freitas
Lideránsa TROIKA Partido Frente Revolusionário Timor-Leste Independente (FRETILIN), Tito da Costa Cristovão ‘Lere Anan Timur’ sei la rezigna an husi partido hodi presiza halo mudánsa ne’ebé di’ak iha Partido, atu nafatin iha harmonia no estabilidade partido nian, presiza iha dalan dialogu la’ós demisaun.
Lideránsa TROIKA husi partido FRETILIN, Lere Anan Timur hateten presiza harmonia no estabilidade iha partido laran tanba ne’e grupu husi sira ne’ebé mosu atu hala’o mudánsa ne’e la’ós foin maibé eziste kleur ona, tanba ne’e atu halo mudánsa iha partido laran presiza ho suave labele iha dalan rezignasaun no dimisaun, nia sei la tuir hanoin refere.
“Iha tinan 24 nia laran funu ha’u la rende ba inimigu agora atu rende fali ne’e ha’u laiha tanba ha’u iha prinsípiu no nunka sai husi FRETILIN” dehan lideránsa TROIKA Lere iha parlamentu nasionál, (22/06).
Nia dehan tan, nia sei la husu ba sira atu rezigna an maibé presiza lideránsa tuur hamutuk hodi iha mudánsa ne’ebé suave nune’e kria nafatin estabilidade no hakmatek iha partido nia laran, tanba nia iha pozisaun ne’ebé marka diferénsa hala’o dialogu labele iha buat ki’ik no bo’ot maka dimiti malu no duni malu.
