Reportazen Francisco JDA
Forum Organizasaun Naun Governamental Timor-Leste (FONGTIL) hala’o konferensia imprensa relasiona ho informasaun sira ne’ebe nakonu provokativu, ne’ebe bele lori instabilidade no lori paniku ba populasaun sira.
Diretor Executivu FONGTIL, Daniel dos Santos ba jornalista sira hateten mensajen paz hosi sosiedade sivil ba timoroan hotu katak, tempu ona hapara violensia polítika, uja ulun malirin resolve problema tuir lei no konsentra ba desenvolvimentu nasionál.
“Hanesan sosiedade sivil ita lakohi atu hamanas situasaun ne’e, atu halo ita nia povu paniku. Ita iha responsabilidade moral atu ko’alia buat los ba ita nia povu, katak ita nia situasaun hakmatek, atividade ekonomia no estadu nian, media no agrikultura la’o di’ak hela”, hateten Diretor Executivu FONGTIL iha salaun FONGTIL Kaikoli, 04/09
Diretor Executivu FONGTIL reforsa tan, dadaun ne’e governu halo preparasaunn ba Orsamentu Jeral Estadu 2020 no 2001 nian, ema hotu iha esperansa bele aprova no bele fo benefisiu ba povu.
