Home Saude Covid-19 Ba 6 Abril Numeru Suspeitu Mantein 44, Provavel 2, Postivu 1...

Covid-19 Ba 6 Abril Numeru Suspeitu Mantein 44, Provavel 2, Postivu 1 no Negativu 41

280
0
Portavoz CIJK, Dra. Odete Viegas iha konferensia imprensa. [Foto: Francisco JDA | 06.04.2020]

Reportazen Zevonia Vieira

Centru Integradu Jestaun de Krize [CIJK] kontinua informa ba publiku relasiona ho Covid-19, ba jornalista sira portavoz CIJK, Dra. Odete da Silva Viegas hateten Sala de Situasaun nafatin aprezenta dadus atual katak iha mudansa dadus iha kada loron.

Dra. Odete hateten situasaun atual konaba dadus ba kuarentena no auto-kuarentena, total kazu hamutuk 986. Liu hosi numeru ne’e, ema ne’ebe iha kuarentena obrigatoriu total 867 no auto-kuarentena ne’ebe halao iha uma total 119. Kuarentena iha Dili total 742, iha municpio 125. Ba auto-kuarentena iha Dili  total ema 60 , iha Municipio hamutuk 59 .

“Ita koalia konaba kuarentena no auto-kuarentena iha ligasaun mos ho kompleta loron 14, ne’ebe mak periode da inkubasaun ba loron 14 ne’e pasa. Total ema ne’ebe pasa ona loron 14 hamutuk 692, hosi 692 ne’e iha Dili 590 no iha munciipio 102, ida ne’e inklui ona numeru ne’ebe mak ohin sai total 164, ida ne’e feto hamutuk 68, mane total 96”, esplika Dra. Odete ba jornalista sira iha CCD, 06/04.

Portavoz ne’e mos informa katak ba kazu izolamentu no diagnostiku mantein laiha mudansa, suspeitu nafatin 44, provavel 2, konfirmadu ka positivu 1 no negaitvu total 41.

“Ho situasan virus Corona ne’ebe mak ema hotu kontinus preokupa liu hosi CIJK, Dra. Odete apela ba maluk sira ne’ebe ohin kompleta loron 14 iha periodu inkubasaun no apela ba familia no lider komunitariu sira, ba maluk sira ne’ebe ohin kompleta ona loron 14, halo ona viajen ba municipio ho numeru ne’ebe boot konsentra iha Dili, husu nafatin atu kumpri regras medidas preventivas mak hanesan sekarik iha nesesariu mak bele sai hosi uma, se lae hela hakmatek iha uma, evita atu iha grupus no nafatin mantein distansia no uza maskra ba ema ne’ebe moras, para atu evita moras kona ita no fase liman bebeik ho sabaun. Fase liman bebeik ita boot mos bele ona prevene an hosi covid-19 maibe mos moras sira seluk”, hateten Dra. Odete

Dra. Odete mos apela ba maluk sira ne’ebe ohin kompleta lorona 14 fila ba sira nia hela fatin mak mosu fali sintomas hanesan isin manas, mear no dada is susar,  bele kontaktu kedas ba numeru 119 ba centru emerjensia nian, atu nune professional saude sira bele foti amostra ba sintomas ne’e.

Ba familia, komunidade no lider komunitariu sira CIJK apela atu nafatin apoiu maluk sira ne’ebe ohin fila, atu nune’e ita hotu bele kontribui ba kombata covid-19.

LEAVE A REPLY

Please enter your comment!
Please enter your name here