Home Notisia CIJK Husu Joven Sira Labele Halibur Malu Hemu Tua, PNTL Ho Xefe...

CIJK Husu Joven Sira Labele Halibur Malu Hemu Tua, PNTL Ho Xefe Suku no Aldeia Sei Kontrola Bairo

1770
0
Polisia Nasional Timor-Leste.[Foto: Copyrigh Media PNTL | 05.03.2020]

Reportazen Zevonia Vieira

Relasiona ho virus Corona ne’ebe sai ameasadu ba ema hotu, Centru Integradu JEstaun Krize [CIJK], apelaba ba komunidade sira atu kumpri nafatin regulamentu tuir Dekretu governu konaba estad emerjensia.

Portavoz CIJK, Dr. Sergio Lobo liu hosi konferensia imprensa ba jornalista sira hatoo katak estadu emerjensia ne’ebe governu aplika, komunidade sira presiza kumpri, hodi nune’e hamutuk bele preven-an hosi virus Corona.

“Premeiru mantein kalma no fo fiar ba governu ho kapasidade ne’ebe iha, ita hotu hamutuk infrenta situasuan defisil ida ne’e. Husu komunidade hotu hodi mantein distansia sosial no distansia fizika metru 1, mesmu iha uma laran no iha fatin hotu, evita halibur ema liu nain 10, importante liu mak fase liman bebeik ho sabaun, hand sanitizer ka baby oil kahur ho alko hodi fase liman”, esplika Dr. Sergio iha CCD, 05/03.

Dr. Sergio mos esplika katak tuir dadus foun katak virus ne’e bele daet hosi ema sira ne’ebe sedauk iha sintomas, ba sidadaun hotu atu evita liman kona bebeik oin, governu mos sempre rekomenda tama loza sempre uza maskra.

CIJK mos husu ba komunidade tomak atu identifika maluk sira ne’ebe tama illegal, bele hatoo mai 119 ka xefe suku no xefe aldeia, para ajuda parte Ministeriu Saude ba halo teste ka screening, tanba ne’e ba sidadaun hotu nian diak.

“Evita ema sira ne’ebe tur grupu barak hanesa joven sira halibur malu hemu tua, fuma sigaru iha grupu boot, Polisia sira serbisu hamutuk ho Xefe Suku no Aldeia atu hare no kontrola ida ne’e, ita mantein distansia sosial no fizika”, deklara Portavoz Dr. Sergio

LEAVE A REPLY

Please enter your comment!
Please enter your name here