Home Notisia Cornelio “L7”: Valor Istoriku Ne’ebe Kualidade, Jovem Sira Presiza Banati

Cornelio “L7”: Valor Istoriku Ne’ebe Kualidade, Jovem Sira Presiza Banati

606
0
Fundador Sagrada Familia, Cornelio Gama “L7”. [Foto: Francisco JDA | 10.11.2020]

Reportazen Francisco JDA

“Porvolta joven 75% hosi populasaun mak ho idade menus hosi 35, realidade demokrasia hatudu ba ita katak joven mak forsa importante ba rai”. Reinaldo Kilik Junior

Juventude Organizasaun Sagrada Familia (JOSF) organiza semináriu ho tema Tansmiti “Espíritu 12 Novembru ba Jovem Sira iha Faze Libertasaun Povu” ho objetivu atu hare fila fali ba kotuk, momentu istoriku ne’ebe akontese, katak laos atu selebra deit maibé bele introdús ba jovem sira konaba istoria positivu no fahe valor istoriku ne’ebe kualidade ba jovem sira atu bele banati.

Fundador Sagrada Familia, Cornelio Gama “L7” iha intervensaun hateten, atu koalia buat hotu, tur hamutuk nune’e bele rona malu, ba ida ne’ebe mak diak no at, se koalia iha kotuk la rona malu, tanba ne’e husu jovem no organizasaun hotu, atu kontinua estuda ba dezenvolvimetu rai ida ne’e tanba rai ne’e mos presiza tebes jovem nia partisipasaun.

“Xanana, Taur, Lu-Olo, Mari, Ramos Horta ne’e patrimóniu estadu.  Problemas sira nian ita labele hatama kanuru tohar ba iha ne’eba, tanba patrimóniu eranca povu nian,. Ba ita oinsá mak bele konsentra malu, hanoin saida mak presiza halo ba nasaun ne’e, esforsu an tanba agrikultura mak kobre nivel nasional hun ba ekonomia sosial,” hateten fundador Sagrada Familia Cornelio Gama “L7” iha Salaun Xanana Sport Center  Bairo Grilhos, 10/11

Koordenador Sagrada Familia Cornelio Gama “L7” hatutan, ukan-an ne’e foin tinan 20 estrada, bee, eletrisidade, uma, eskola fatin barak seidauk hotu tanba ne’e husu joven sira atu estuda makaas no kontinua fiar autoridade lokal to’o nasional.

Iha fatin hanesan reprezentante Casa Presidensia, Reinaldo Kilik Junior iha intervensaun hateten katak iha selebrasaun loron nasional ba juventude iha loron 12 Novembru, iha tinan 19 ba kotuk juventude lori as’wain liu atus rua lakon sira nia vida iha masakre ne’ebe akontese iha simiteriu santa Cruz

“Juventude loriku as’wain hatudu ba mundo tomak iha momentu ne’eba 12 Novembru 1991 katak povu Timor-Leste tomak hamriik organizado no determinadu atu ukun rasik-an.  Santa cruz marka istoria foun, tanba juventude loriku as’wain hatudu ba mundo tomak, katak rezisténsia servisu ho koordenasaun iha frente hotu, juventude hatutan lolos espíritu funu nian no afirma perante inimigu no perante mundo tomak ba ita nia determinasaun”, hatete Representante Presidensia Reinaldo Kilik Junior.

Reinaldo Kilik Junior afirma joven sira ,mak sei hatutan valor no dezafiu ne’ebe boot liu ba foinsae sira mak hafoin hakfilak valor sira ne’e hotu, ba ferramenta ne’ebe util  hodi hasoru dezafiu ohin loron nian nasaun nia forsa mak juventude porvolta joven 75% hosi populasaun mak ho idade menus hosi 35, realidade demokrasia hatudu ba ita katak joven mak forsa importante ba rai .

LEAVE A REPLY

Please enter your comment!
Please enter your name here