Home EduTek Formasaun Jurnalismu Komprensivu Ba Dahaat Foka Ba Kobertura COVID-19

Formasaun Jurnalismu Komprensivu Ba Dahaat Foka Ba Kobertura COVID-19

295
0
Jornalista media online sira hamutuk ho UNDP no KI. [Foto: Media KI |09.11.2020]

Reportazen Marcio Morato Pinto

“Tinan ida ne’e sei foka liu ba iha assuntu COVID-19, tamba ne’e maka deside hamutuk atu treinamentu kompreensivu ida ne’e hahu iha area fronteira Maliana” Rigoberto.

Formasaun jurnalismu Komprensivu ne’ebe organiza hosi Konsellu Imprensa serbisu hamutuk ho UNDP liu hosi Learn Project ne’ebe foka liu ba kobertura iha Pandemia COVID-19, liu-liu ba media online sira.

Liu hosi abertura formasaun ba dahaat ne’ebe halao iha municipiu Bobonaro, Diretor Ezekutivu Konselho de Imprensa, Rigoberto Monteiro hateten formasaun ida ne’e sai nu’udar baze ba karteira profesional jornalista sira nian iha futuru.

“Formasaun ida ne’e halao ba dala haat, hahu kedas iha tinan 2017-2020, bazea ba Kooperasaun Konselhu Imprensa ho UNDP. Objetivu prinsipal hosi aktividades formasaun jurnalismu kompreensivu ida ne’e, atu halo jornalista sira sai krítiku ba assunto espesífiku, maka hanesan assuntu jénero, ambiente, labarik no seluk seluk tan.  Tinan ida ne’e sei foka liu ba iha asuntu COVID-19, tamba ne’e maka deside hamutuk atu treinamentu kompreensivu ida ne’em hahu iha area fronteira Maliana”, dehan Diretor Ezekutivu Rigoberto Monteiro, iha sala konferensia PNTL Munisipio Bobonaro, 09/11.

Nia dehan tinan ida ne’e sei foka liu ba deit jornalista midia online sira, tamba sira maka sei hato’o lalais informasaun konaba saida maka akontese. Tamba ne’e formasaun ida ne’e konselhu Imprensa halo ba beneficiario hamutuk ema nain 194, desde iha tinan 2017 to’o 2020. Nia iha esperansa boot ba jornalista sira hodi iha futuru bele sai ema ne’ebe profesional.

Iha fatin hanesan Superintendente Xefe PNTL, Munisipio Bobonaro, Octávio de Araújo hateten katak liu hosi serbisu jornalista nian, maka aktividades munisipio Bobonaro nian bele to’o iha povo sira ne’ebe hela iha Dili.

 “Funsaun jurnalismu ne’e importante tebes, hau mos disponibiliza fatin ida ne’e tamba knaar jornalista ne’ebe essencial, dalaruma ami nia aktividades iha ne’e ami haluha atu relata verbal iha tempu emergencia, dalaruma liu husi midia, jornalista sira bele hatoo ba povo sira iha Dili, bele hatene katak Bobonaro ne’e halo buat ruma”, dehan Octávio de Araújo.

Print Friendly, PDF & Email

LEAVE A REPLY

Please enter your comment!
Please enter your name here