Home Notisia Gregorio Saldanha: Husu Ulun Boot Sira Buka Solusaun Hakotu Impase Politika

Gregorio Saldanha: Husu Ulun Boot Sira Buka Solusaun Hakotu Impase Politika

554
0
Prezidente Komite 12 de Novembru, Gregorio Saldanha hatoo deskursu. [Foto: Santina Lucia da Costa | 12.11.2019]

Reportazen Santina Lucia da Costa

Prezidente Republika Demokratika de Timor-Leste, Dr. Francisco Guterres “Lu-Olo” katak, hakarak dedika ba Komite 12 de Novembru nia simu ho haksolok lian menon ne’ebé hato’o liu husi Prezidente Komite 12 de Novembru nian, nu’udar Prezidente Republika nia tau iha nia konsiensia hanesan sidadaun hanesan mós Prezidente da Republika para atu bele hakat ba oin hodi ita hotu hamutuk dezenvolve ita nia rain ba oin.

“Seidauk to’o iha eleisiun antisipada, ne’e liafuan mak sai uluk maibé hau hanoin seidauk to’o iha ne’eba, hau koalia katak hau respeita nafatin governu respeita povu nia desijaun fó maioria ba AMP. Ita seidauk koalia to’o iha ne’eba se no kazu buat ruma prontu, klaru ke direjente nia lider sira tenki tur hamutuk atu bele koalia oinsa para hodi hakat liu ba impase politika.” Dehan Lu-Olo, iha diskurksu komemorasaun loron 12 de Novembru ba dala – 28, iha ohin, 12/11/2019, iha Santa Cruz.

Nia dehan, Governu atu to’o ona metade de mandatu situsaun impase politika sei iha solusaun ita bele tur hamutuk liu husi dialogu hodi ultrapasa situasaun impase atu bele hala’o dezenvolvimentu ba ita nia povu.

Iha fatin hanesan Prezidente Komite 12 de Novembru, Sr. Gregorio Saldanha hateten, husu ba ulun boot sira tur hamutuk hodi buka solusaun ba impase politika.

“Ami fó hanoin ba ulun boot politiku sira atu buka solusaun hodi hakruk ba impase politika ne’ebé lao tuir ona tanba laiha konkordansia entre sira invezde ita halo eleisaun antisipada hodi gasta tan povu nia osan hodi halo no halo kolen tan povu. Ami ho laran k’man husu maun boot sira atu kontaktu malu buka malu, atu rezolve problema uma laran ne’ebé ohin loron seidauk resolve atu nune’e dezenvolvimentu bele lao lalais”, Prezidente Komite 12 de Novembru, Gregorio Saldanha hateten

Prezidente Komite 12 de Novembru, Sr. Gregorio Saldanha mos hateten, “Ami fiar no iha konfiansa katak, problema nia solusaun sei iha tanba uluk ita hotu mai iha kareta ida de’it, liuliu maun boot sira koñese malu mós no karakteristiku imi hatene buka dalan oinsa para bele resolve. Konfiansa nunka lakon hanesan uluk funu laiha naroman, dalan seidauk hatene, ami luta fó determinasaun boot ate desijaun referendu seidauk iha, kuantu mais povu Timor-Leste joven sira luta lahatene naroman ne’ebé laharee hetan mai luta ne’e mak naroman mosu, portantu ami fiar fó konfiansa ba maun boot sira dezijaun sei iha povu sei hakmatek dezenvolvimentu sei lao lalais tanba ita hotu sei hatene independensia hanesan instrumentu ka fonte ida ba povu nia moris di’ak”.

LEAVE A REPLY

Please enter your comment!
Please enter your name here