Reportajen Silvino Freitas
Komandu Polísia Nasionál Timor-Leste (PNTL) munisípiu Dili hala’o briefing ba membru sira ne’ebé kompostu husi unidade espesiál munisípiu Dili no komandu kuartél jerál hodi kabe deskrisaun servisu operasaun nian ba membru atu asegura eventu jogu Comunidade dos Países da Lingua Portuguesa (CPLP) ne’ebé sei hahú iha loron 19 to’o 26, nune’e komandu sei uza metodu seguránsa 3 seguránsa mais proximo, seguránsa proximo no seguránsa forsada atu asegura eventu ho seguru tanba ne’e komandu PNTL apela ba adeptus sira atu la’o tuir regra.
Komandu Operasaun Nasionál Suprentidente Xefe Justino Menezes dehan, hahú ohin membru husi komandu PNTL munisípiu Dili hakat hotu ba iha stadium minisípiu Dili nian hodi simu deskrisaun servisu operasionál nian ne’ebé kompostu husi unidade espesiál kamandu munisípiu Dili nian ne’ebé hetan mós apoiu husi kuartel jerál nune’e sei asegura eventu jogu CPLP ne’ebé sei hahú iha loron 19 too 26 ne’ebé iha metódu 3 mais proximo, proximo no forsada ba seguránsa nian ne’ebé hahú ohin halo ona briefing hodi simu regra sira ne’ebé sei halo tuir durante hala’o seguránsa.
“seguránsa mais prosimu membru sira ne’ebé seguránsa besik liu ba eventu sira, seguránsa prosimu seguransa iha liur iha stadium liur maka tranzitu no sira ne’ebé naran tama ona lista ohin simu hotu briefing no fo mos orden ba komadante taktikal sira hodi fo ba membru sira atu membru sira bele intensaun no atensaun pesoal ba eventu ida nee” dehan Suprentidente Xefe Justino Menezes ba jornalista sira hafoin remata briefing iha stadium munisípiu Dili, (17/07).
Nia dehan tan, komandu mos uza taktika metodu operasaun forsada husi dook nian nunee adeptu sira ne’ebé atu asisti jogu nee tenke tuir regra maski livre maibe sira iha limitasaun ba adeptu sira tuir fatin ne’ebé prepara iha stadium laran, aliende halo seguransa ba eventu jogu iha mos seguransa ba seminariu ba juventude lider CPLP sira no ikus iha dia 27 iha mos seminariu ba nain ulun sira, nunee PNTL sei asegura hotu evente sira ne’ebé sei akontese iha jogu CPLP nian.
“fatin desportu espesial mak primeiru stadium segundu jinajiu Dili voleibol praia iha lesidere no tenis iha kampu UNTL nian fatin 4 nee maka fatin espesial jogu nian no treinu nian iha kampu bekora lesidere academia PNTL ida nee ita asegura hotu” dehan Justino.
Nia konklui, durante eventu jogu CPLP nian lao komandu garante sei halo seguransa ne’ebé seguru ba eventu sira nee nunee mos PNTL halo ona lina koordenasaun ho F-FDTL atu asegura bainhira situasaun la primiti ba atividade seguru, nunee PNTL halao ona pontu seguransa tuir tekniku taktikal sira atu taka no loke fatin sira ne’ebé tama no sai ekipa jogador sira nomos destakamentu membru sira preparadu.
