Home EduTek ANPM Fahe Sertifikadu Ba Jornalista Sira Ne’ebe Tuir Seminariu Petroleu no Minierais

ANPM Fahe Sertifikadu Ba Jornalista Sira Ne’ebe Tuir Seminariu Petroleu no Minierais

335
0
ANMP fahe kontribuisaun ba jornalista no editor sira. [Foto: Media ANMP | 25.06.2020]

Reportazen Santina Lucia da Costa

Autoridade Nasionl Petroleu no Minerais (ANPM) realiza seminariu ba jornalista no editor sira durante loron rua, hodi hasae konnesimentu konaba termu tekniku petroleu no minerais nian, hodi nune’e bele hasa’e liu tan kualidade reportajen husi jornalista no media sira iha petroliu no minerais.

Vise Prezidente ANPM, Jose Goncalves hateten, seminariu ne’e hanesan kontribuisaun ida husi Autoridade Nasional Petroliu no Minerais (ANPM), atu eleva kapasidade jornalista no editor timoroan sira nian konaba setor petroleu no minerais.

“Ami espera katak formasaun loron rua ne’e bele atinji, maske laos 100%, maibe 25-50% to’o ona ba ita, komesa hahu haree importansia husi ita boot sira hanesan media no ami. Ita bele dehan informasaun inisial baziku ba ita boot sira, para atu ke’e klean liu tan, fiar katak hanesan jornalista, imi nia papel importante tanba, formasaun ne’ebe mak ita boot sira tuir, ita boot sira mak hatutan ba ita nia komunidade sira”, hateten Vise-Prezidente ANPM, iha Timor Plaza, Suai Room, 25/6.

Vise-Prezidente ANPM hateten informasaun importante ba komunidade sira, para sira nia komprendesaun di’ak konaba oinsa ita jere rekursu naturais, minerais, petroliu no gas. Oinsa ita hetan osan, tau osan iha konta bankaria oinsa, orsamentu sai husi konta bankaria mai uza iha orsamentu jeral estadu nia.

Nia mos dehan Husi ohin ba oin, husu ba ita boot sira atu konta ami nia komprimisu, atu fahe informasaun ba ita boot sira, se karik ita boot sira presija, atu klarifika buat balun ne’ebe ema kolia iha liur ka buat balun sai husi ami rasik.

“Horseik no ohin ita boot sira rona ona aprezentasaun, hau fiar katak asuntu downstream asuntu petroliu nia konaba upstream, perfurasaun no minerais ita boot sira hatene ona no aprende ona uituan, karik asuntu konaba sira ne’e bele husu ba diretores sira ne’ebe mak ita boot sira hatene ona. Atu nune’e fo informasaun ho lolos ba komunidade sira.”dehan Jose Gonçalves.

ANPM Hato’o mos agradesimentu ba Prezidente Konsellu Imprensa, Virgilio da Silva Guterres, ne’ebe bele serbisu hamutuk ho ANPM organiza formasaun ida ne’e.

Iha fatin hanesan partisipante Lolita Cabral husi media GMNTV, hateten ida ne’e hanesan oportunidade osan mean tebes ba jornalista sira, para atu hatene no koñese klean liu tan, konaba oinsa atu hakerek notisia ho termu ne’ebe tekniku nian konaba petroleu no minerais ninian.

“Durante loron rua, materia barak tebes ké ami aprende, maibe la signifika ami atu hatene hotu, maibe iha balun ami haklean ami nia koñesimentu, hanesan oinsa hatene termus sira ne’ebe mak ho teknikamente hanesan PSI, Production Contrac/produsaun fahe kontratu, durante ne’e ami la hatene no mos termu Downstream, Upstream ne’ebe durante ne’e sai pergunta ida ba ami jornalista, oinsa atu buka nia konteudu no signifikadu”, hateten jornalista Lolita Cabral.

Jornalista ne’e rekomenda ba ANPM atu kontinua fo formasaun ba jornalista sira, atu komprende no hatene klean liu tan konaba termus tekniku sira nian.

Iha seminariu loron rua ne’e, jornalista sira hamutuk nain 30, simu sertifikadu hosi ANPM, nudar rekonnesementu ida hosi ANPM

LEAVE A REPLY

Please enter your comment!
Please enter your name here