Home Notisia Misaun no Visaun AMVTL Animal Saudavel, Komunidade Saudavel

Misaun no Visaun AMVTL Animal Saudavel, Komunidade Saudavel

785
0
Tomada de posse ba AMVTL. [Foto: Adalgisa Pereira | 22.02.2021]

Reportazen Adalgisa Pereira*

Assosisaun Médiku Veternário de Timor-Leste (AMTVL) realiza seremonia tomade de pose ba Prezidente eleitu ho nia estrutura foun, ba mandatu tinan rua iha salaun Luz Clarita, Bairo Formosa.

Iha seremonia tomada de poss,e Ministeriu Agrikultura no Peskas, Pedro dos Reis iha diskursu husu ba  AMTVL atu serbisu hamutuk ho entidades no parseiru , atu reforsa atendimentu ba nesesidade ne’ebe mak hakiak nain sira iha terenu hasoru.

“Asosiasaun ne’e presiza atu haboot tan oin, ita presiza komunika ba malu no buka meius oinsa atu ita nia atendementu ba iha terenu no liuliu ba hakiak nain sira, tamba ita ninia atendementu diak, ninia benifisiu nee ba ita nia hakiak nain sira”, dehan Ministeriu Agrikultura no Peskas.

Iha fatin hanesan Prezidente AMTVL, Antonino do Carmo hateten objetivu hosi Assosiasaun nia mak hadia no hasae kompetensia mediku veternaria iha Timor-Leste, divulgasaun informasaun ba komunidade sira kona ba papel mediku veternaria,

“Objetivu principal husi Assosiasaun nia mak atu hadia hasae kompetensia mediku veternaria iha Timor-Leste ,oinsa haree ita nia alin sira barak mak hakarak foti area saude animal no mos kontribui nafatin  atu eleva konnesimentu komunidade nian kona ba ema nia moris no liu liu tratamentu ema ba animal, tanba importante  tebe-tebes ita koalia kona ba saude publiku veternaria, ita hotu hatene ita iha situasaun pandeimia nia laran tamba moras ema nia origen barak liu mai husi animal”, dehan Prezidente AMTVL iha salaun Luz Clarita 22/02

Asosiasaun ne’e ho nia misaun no visaun atu lori organizasaun ne’e ho kredivel, profisional, kompetente dinamiku no programatiku iha nivel nasional iha regional no internasional.

Nia dehan promove AMVTL iha nivel hotu, fo kompetensia ba autoridade veternaria Timor-leste no Ministeriu Agrikultura, ho motto animal saudavel, komunidade saudavel Timor-leste ida ne’ebe forte ba ita hotu.

*(Adalgisa Pereira estudante UNTL Ne’ebe estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here