Home Notisia Julgamentu Kazu Violasaun Sexual Iha Topu Honis Hahu Ohin Iha Oe-cusse

Julgamentu Kazu Violasaun Sexual Iha Topu Honis Hahu Ohin Iha Oe-cusse

805
0
Situasaun julgamentu kazu Topu Honis iha tribunal Oe-cusse, 23/02. [Foto: David da Costa | 23.02.2021]

Reportazen David da Costa Gusmao*

Relasiona ho kazu abuzu sexual ne’ebe mak eis Padre “RD” komete iha Topu Honis,  ohin Tribunal Distrital Oe-cusse hahu ona julgamentu ba daruak  iha tribunal Rejiaun Administrativa Espesiál Oecusse Ambeno (RAEOA), ne’ebe prezide husi juiz koletivu nain tolu deside muda ba aban , ohin tuku 9:00 otl ho balun hahu fali halo julgamentu.

Tuir observasaun jornalista Neon Metin iha Tribunal Distrital Oe-cusse, apoiar vitima reprezetante husi nia advogadu privadu  no Ministeiru Publiku to’o iha fatin iha oras tuku 8:35 otl, nune’e mos  “RD” to’o iha tribunal  iha oras tuku 8:52, akompanha husi Komandante polisia RAEOA nian.

Hafoin iha oras tuku 9:13 otl bolu eis padre “RD” ba sala julgamentu no alende ne’e mos iha tuku 9:15 lider nasional Kay Rala Xanana Gusmão mos to’o ona iha fatin atu tuir julgamentu ba eis padre “RD”  nian iha loron daruak iha tribunal Distrital Oe-cusse.

Julagamentu ba arguidos RD kontinua prezide husi juiz koletivu Yudy Pamungkas, Evangelino Belo no Hugo da Cruz Pui

Husi Advogados ba Arguidas mak Dr. Pedro Aparicio, Dr. Miguel Acasio Faria, Dr. João Ndun, Dr. Rui Antonio Mendonça, Dr. Eusebio Soares no  defensor Publiku Dr. Marcelino Marques Coro.

Apoiar vitima reprezetante husi nia Advogadu Privadu Dr. Olvio Barros e Dra. Hildegardis Wondeng, apoiar husi Ministeiru Publiku Dr. Matias Soares no Dr.Ambrosio Rangel.

Observasaun Neon Metin iha tribunal Distrital Oe-cusse hatudu katak  komunidade balun mos iha liur, hodi hein rezultadu husi julgamentu ne’e.

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here