Home Saude Detekta tan Kazu Pozitivu COVID-19 Total 18, Kazu Ativu Ohin loron Sae...

Detekta tan Kazu Pozitivu COVID-19 Total 18, Kazu Ativu Ohin loron Sae ba 97

655
0
Ekipa vijilansia epidimiolojia. [Foto: Copyright A Bola | 19.04.2020]

Reportazen Zevonia Vieira

Ministeriu Saude detektan kazu pozitivu foun COVID-19 ohin loron 14 Marsu hamutuk 18, liu hosi zoom conference ba jornalista sira Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo relata katak ohin loron detekta tan kazu foun pozitivu COVID-19 hamutuk 18, kazu rekuperadu iha nain 3, kazu ativu hamutuk 97.

Dr. Rui hateten hosi kazu pozitivu 18, kompostu mane nain 4 no feto nain 14, labarik idade 12 mak kraik iha nain 4, idade 16 to’o 44 iha ema nain 14, ba kazu refere sira hotu asintomatiku ka la hatudu sintomas

Hosi evolusaun surtu COVID-19 iha municipio Dili, hosi total kazu foun iha leten, sira nain 14, iha Munisipiu Dili, ho detalles katak zazu pozitivu nain 2 husi Aldeia Mate-restu, Suku Vila-Verde, Postu Administrativu Vera Cruz. Pozitivu hirak ne’e kontaktu-besik ho kazu ida ne’ebe´loron rua liu bá relata husi vigilánsia sentinela iha Centro Saúde Formoza.

Kazu pozitivu nain 7, husi Aldeia Lurumata 03, Suku Fatuhada, Postu Administrativu Dom Aleixo. Pozitivu hirak ne’e kontaktu-besik ho kazu ida ne’ebe´loron rua liu bá relata husi vigilánsia sentinela iha Centru Saúde Formoza.

Kazu pozitivu nain 1, husi Aldeia Frekat, Suku Bairro Pité, Postu Administrativu Dom Aleixo. Pozitivu hirak ne’e kontaktu-besik ho kazu ida iha cluster Ministériu Finansas.

Kazu pozitivu nain 1 seluk, husi Aldeia Fomento 03, Suku Comoro, Postu Administrativu Dom Aleixo. Pozitivu ida ne’e kontaktu-besik ho kazu konfirmadu ida husi Cluster Aldeia 4 Setembru, ne’ebé mós hetan transmisaun husi nia la’en husi Cluster MTC.

Kazu pozitivu nain 1, husi Aldeia Teki-Teki, Suku Bairro Pite. Postu Administrativu Dom Aleixo. Pozitivu ida ne’e kontaktu-besik ho kazu konfirmadu ida husi Cluster Aldeia 4 Setembru, ne’ebé mós hetan transmisaun husi nia la’en husi Cluster MTC.

Kazu pozitivu 1 seluktan, husi Aldeia Aimutin, Suku Comoro, Postu Administrativu Dom Aleixo. Pozitivu ida ne’e kontaktu-besik ho kazu konfirmadu ida husi Cluster Aldeia 4 Setembru, ne’ebé mós hetan transmisaun husi nia la’en husi Cluster MTC.

Kazu pozitivu 1 seluk, husi Aldeia Tasi Mean, Suku Comoro, Postu Administrativu Dom Aleixo. Pozitivu ida ne’e kontaktu-besik ho kazu konfirmadu ida husi Cluster Emergency Obstetrics and Neonatal Care.

Iha Bauca nian detekta kazu foun iha Cluster Caibada: kazu detetadu 2 (ida iha loron 2 Marsu no ida horiseik, loron 13 Marsu). Iha cluster Centro Saúde Wailili detekta kazu hamutuk 4.

Ho nune’e liu hosi Zoom conference, iha loron 14/03 Dr. Rui hateten kazu detetadu ka pozitivu iha Munisipiu Dili husi loron 7 de Marsu to’o ohin, hamutuk 67.

Print Friendly, PDF & Email

LEAVE A REPLY

Please enter your comment!
Please enter your name here