Reportajen Joselina Dos Santos
Governu liuhosi Sekretária Estadu Igualdade ba Inkluzaun (SEII), sei esforsu hodi servisu hamutuk ho organizasaun internasional sira, hodi suporta atu bele estabelese baze dadus integradu ida ba dadus Unifrom kona-ba kazu violensia doméstika, abuzu sexual no insestu iha Timor-Leste.
“Ita haree katak husi Lei ne’e implementa ona kuandu lei ne’e vigór iha parseiru balun no mós SEII rasik halo sosializasaun Lei Kontra Viólensia Doméstika (LKVD), bainhira kazu ne’ebé akontese aumenta kada loron kada fulan no kada tinan, ema hotu hatene katak ho sosializasaun ne’ebé iha ema hotu bele iha konsiénsia atu relata nia kazu tuir justisa formal sosial”, dehan, SEII Maria do Rósario Fatima Correia iha CCD merkadu lama, Kinta 16/02.
Sekretária Estadu Igualdade ba Inkluzaun (SEII), Maria do Rósario Fatima Correia hatete, dadus sira ne’e iha tanba Alfela fó Asisténsia legal ba feto maluk sira hodi asesu ba justisa formal, dala barak mós alfela refere ba iha NGO sira ne’ebé hanesan uma mahon tanba SEII dadaun ne’e esforsu atu bele iha dadus unifrom ida, tanba dadus ne’e akontese dalaruma dadus ne’e unifrom ne’e mak SEII sei kopera ho ajensia internasional sira atu bele iha baze dadus Unifrom ba kazu violensia domestika abuxu seksual iha insextu ne’e rasik.
“Akuzasaun ne’e nfatin tanba ita iha sistema retoritál husi Lei Kontra Viólensia Doméstika, ita mós iha planu asaun viólensia bazeia ba jéneru, ita mós iha rede refrál kompostu husi SEII no uma mahon sira, karik vitima sira ne’ebé hetan abuzu seksual viólensia domestika hela iha fatin ne’ebé la seguru, entaun vitima sira ne’e ita lori ba uma mahon hodi hein prosesu julgamentu”, nia informa.