Home Justisa Nain ba FB “Ela Variana Lamenta Atuasaun PNTL, Defensor Publiku: Atuasaun PNTL...

Nain ba FB “Ela Variana Lamenta Atuasaun PNTL, Defensor Publiku: Atuasaun PNTL Konsidera Ilegál

1461
0
Ela Variana ho nia defensor publiku halo konferensia imprensa. [Foto: Mena | 17.07.2023]

Reportajen Filomena da Conceição

Relasiona ho atuasaun  Polisia Nasiona Timor- Leste (PNTL) ba nain Facebook “Ela Variana” ne’ebé  hasai liafuan ameasa ba lider balun iha media Sosial, konsidera illegal, tanba  laiha karta no laiha keixa husi parte vítima, nune’e mós nia lamenta servisu média ne’ebé laiha imparsialidade, no manipula informasaun tuir elite sira nian.

“Kontra abuzu poder PNTL, no imparsialidade média, hahú husi ha’u nia komentariu no ejize justisa ba ema hotu  iha média sosial,  ne’ebé viral iha média sosial hetan reasaun husi PNTL, no média ne’ebé la imparsial, ho ida ne’e, ita haree kna’ar instituisaun média balun, ohin loron kestionavel teb-tebes , ne’e kontribui no hametin injustisa sosial iha Timor-Leste,”  dehan Nain ba Facebook Ela Variana, Lihusi Konfernsia impresa, iha edifisiu KEP-MERS, Vila Verde, segunda 17/07.

Nia haktuir, nu’udar sidadun kestiona maka’as ba kna’ar PNTL, ne’ebé tuir lolos sai liman kroat hodi asegura nia povu  maibé, ohin loron sai fali liman kroat  hodi asegura elite sira nia interesse. Nune’e mós  média nu’udar ibun hodi hato’o informasaun ne’ebé loloos ba povu, maibé ohin loron, sai fali ibun ba elites sira hodi halo manipulasaun ba públiku.

Nune’e mós nia konta Kronologia lolos husi xamada PNTL ne’e la loos hanesan média balun fó sai iha públiku,  no iha loron 12/ 07/2023, PNTL to’o iha  nia fatin Manleu, sein karta ruma no laiha keixa ruma husi vítima sira maibé, ho telemóvel husi média sosial facebook no kumpri de’it husi komandu Jerál PNTL, no  iha momentu ne’ebá nia  koopera tebes ho sira  no husu sira-nia krarifikasaun oituan ne’ebé sai nu’udar razaun husi sira-nia xamada maibé iha membru PNTL ida ne’ebé konsege hatudu liman ba Ela Variana no ameasa nia, tanba ne’e, Nia parte konsidera hahalok ida nu’udar pratika halakon nia direitu liberdade espresaun tuir artigu 40, número 2 KRDTL.

“Hau lamenta tebes ba abuzu poder ba halo xamada sein keixa husi Vitima, no iha tenpu hanesan, ha’u hetan ameasadu husi membru PNTL ida no lamenta mós imparsialidade husi média balun ne’ebé la sai ona  ibun hodi hato’o lian husi povu maibé sai fali instrumentu hodi  manipula informasaun tuir interesse elite nian”  nia kestiona.

Nune’e nia husu atu Polisia Nasiona Timor- Leste (PNTL) rekoñese nia sala, hodi husu deskulpa ba nia hodi Publiku bele hatene, tanba hatauk no hamate nia liberdade Movimentu.

Iha fatin hanesan, Defensor Públiku, Sérgio Dias Quintas, hateten, Ela Variana hanesan mós sidadaun ida nia iha direitu ba onra ho naran di’ak, ho ba reputasaun ne’eb’e iha artigu 35 konstituisaun da Repúblika.

“Kona-ba alin ne’e, hasai liafuan ameasa, ne’ebé espalla iha média sosial iha facebook hodi Polisa halo atuasaun ne’e, ha’u nia hanoin atuasaun polisia ne’e la los  konsidera atausaun ne’e  ilegal,  tanba ne’e espera katak polisia tenke Kuidadu ho nia atuasaun ne’e, tanba kontra direitus humanus,” nia esplika

Tanba ne’e, husu ba instituisaun polísia atu rekoinese sira- nia sala ba kazu atausaun Ela variana no husu deskulpa, tanba deskonfia Ela Variana iha indisiu pratika krime ameasa, tanba hatauk no hamate ema nia liberdade atu movimenta.

Entretantu, Ela Variana hamutuk movimento Resistensia Sosial (MRS) no Defensor Públiku sei hein Deklarasaun husi parte PNTL hodi bele deklara iha publiku katak sira-nia  atausaun laloos  no bele husu deskulpa ba Ela Variana, maibé karik polisia la rekoinese nia erru  ne’ebé sira pratika maka sira sei hatama prosesu sivil hodi kontra insitusaun PNTL.

Print Friendly, PDF & Email

LEAVE A REPLY

Please enter your comment!
Please enter your name here