Home Notisia KI Apresia MP La Konstitui Jornalista no Xefe Redasaun Hatutan Hanesan Arguidu...

KI Apresia MP La Konstitui Jornalista no Xefe Redasaun Hatutan Hanesan Arguidu no La Prosesa Nu’udar Krime

728
0
Konsellu Impresa halo konferensia imprensa. [Foto: David | 17.07.2023]

Reportajen David da Costa Gusmão

Konsellu Imprensa Timor-Leste (KI-TL) apresia ba nota komunikasaun sosial husi Konsellu Superiór Ministériu Públiku (KSMP) ne’ebé halo direitu  resposta no ratifikasaun no mós halo  klarifikasaun ba notifikasaun ba jornalista Media Online Hatutan.com Jogério Pereira Carceres ho nia Xefe Redasaun Francisco Simoés Belo da Costa.

Prezidente Konsellu Imprensa Timor-Leste (KI) Otelio Ote, hateten, Konsellu Imprensa nia misaun hanesan orgaun reguladór ida ne’ebé tau atensauun ka responsabilidade ba media no jornalista sira hotu, maibé iha fulan hirak ikus ne’e notisia balun ne’ebé sai konsumu Públiku, ne’ebé sai prejudika mós ba jornalista nia servisu konsellu imprensa tau publiksaun ne’ebé karik bele hafraku atividade jornalista nia, Entre ida maka publikasaun media Hatutan.com nian, kona-ba notisia ida foku ba Deskomfia Prokuradór Jeral no nia Asseor Juridiku uza osan estadu halo Viajen ba Protugal.

“Konsekuénsia husi publikasaun ne’e, Ministériu Públiku iha reasaun makaas no ita nia maluk Jornalista inklui Xefe Redasaun hetan xamda husi prokuradoria ba hatan iha ne’ebá, bainhira sira hatan iha prokuradoria ita fó reasaun makaas kona-ba atetude ida ne’e. Tanba, tuir loloos media bainhira Publika buat ruma labele bolu atu hatan iha Tribunal ou prokuradoria se ida ne’e la importante, no sira iha deit direitu ba ratefikasaun ou direita ba resposta,” dehan Prezidente Konsellu Imprensa Timor-Leste (KI) Otelio Ote, iha Edifisiu KI, Kintal Boot, Segunda 17/07.

Ho ida ne’e, konsellu imprensa halo davokasia ba ema hotu-hotu nomós ba Ministériu Públiku  to’o ikus  hetan resposta posetivu iha semana kotuk, Konsellu Superiór Ministeru Públiku (KSMP) deside  hasai nota resposta nomós ratefikasaun ba publikasaun media Hatutan.com nian.

“Konsellu Imprensa apresia ba desizaun husi konsellu Superiór Ministériu Públiku, tanba ida ne’e prosedura ne’ebé presiza halo tuir, tanba tuir lei Komunikasaun Sosial ita boot sira hatene, asuntu saida deit ne’ebé mosu tanba rejultadu servisu Jornalista ka produtu jornalistiku, ita tenke resolve liuhusi prosesu jornalistiku,”Sira Apresia.

Konsellu Superiór husi Ministeru Públiku ne’ebé hasai nota resposta no mós ratifikasaun ba publikasaun media Hatutan.com nian, sai ezemplu diak ida ne’ebé maka Ministeriu Públiku halo, espera katak institusaun Governu sira seluk nomós  instituisaun privadu ka sosedade sivil sira no media hotu presiza banati tuir saida maka Ministeriu Públiku halo ne’e.

“Sira fó direitu  resposta no fo direitu ratifikasaun  ita media  iha dever atu hatun sira nia direitu  resposta nomós direitu ratefikasaun, liuhusi mekanismu ida ne’e  maka ita bele prevene lori jornalista ba iha Tribunal  atu prevene kriminalizasaun ba jornalista,” nia esplika.

Iha fatin hanesan, Konselleiru Konsellu Imprensa, Benevides Correia Barros, haktuir, apresiasaun ne’ebé Konsellu Superiór Ministériu Públiku halo ona, ida ne’e mak loos, uza direitu resposta no ratifikasaun bazeia ba Lei Komunikasaun Sosiál artigu 34, número 5/2014, para atu Publiku ka rona na’in ka lee na’in no haree na’in ne’ebé sente afeitadu husi informasaun ne’ebé jornalista sira fó sai bá públiku, bele uza  direitu ida ne’e para Publiku ka rona na’n ka lee na’in sira uza artigu ida ne’e lori ezerje sira nia direitu.

Tanba, Produtu Jornalistiku labele kriminaliza, so bele kriminaliza kuandu jornalista ne’e halo krime, tentativa atu baku ema, tenta atu oho ema, tentative atu halo agresaun fiziku ba ema, ne’e mak bele kriminaliza. Ita labele kriminaliza ema nia pensamentu, labele kriminaliza ema nia kapasidade atu hakerek no fahe informasaun bá públiku, tanba Konstituisaun garante katak atu asesu ba informasaun ne’e direitu públiku no interesse públiku.

Lider sira iha orgaun Soberanu sira hanesan lejislativu, ezekutivu no Judisiária, lideransa sira ne’e tenke nakloke bá públiku atu kontrola. Públiku atu kontrola ne’e liu husi servisu jornalista sira nian, hakerek informasaun tantu liuhusi kanál jornál, rádiu, televizaun no media online sira, atu publiku bele hatene saida mak dirigente sira instituisaun públiku sira halo, loos ka sala, saida maka sira la halo, tanba saida maka sira la halo, ne’e direitu Publiku sira atu hatene informasaun ne’e, liuhusi informasaun ne’ebé Jornalista sira hakerekk.

Limitasaun ba imprensa ne’e iha buat hitu de’it, ne’ebé defini no regula iha artigu 11 Lei Komunikasaun Sosiál, hanesan ba ema nia naran di’ak, onra, reputasaun, prezunsaun inosénsia, segredu Estadu no justisa, enkuantu buat seluk ne’e jornalista iha devér atu hato’o informasaun ne’e ba públiku hodi bele hatene no publiku mak iha direitu atu observa, atu halo avaliasaun ba informasaun ne’e loos ka sala.

Tanba ne’e, ema ne’ebé okupa kargu públiku, labele taka informasaun ba jornalista sira atu asesu no hakerek ba kraik tanba prinsípiu direitu públiku no interesse atu hatene kona-bá lala’ok ne’ebé institusaun publiku sira no inklui instituisaun privadu sira hala’o.

Entretantu iha Kuarta (12/07/2023), Konsellu Superiór Ministériu Públiku, distribui klarifikasaun ofisial liuhosi komunikadu imprensa kona-bá prosesu notifikasaun ne’ebé Ministériu Públiku halo hasoru jornalista Media online Hatutan.com, Rogério Pereira Cárceres ho Xefe Redasaun  Francisco Belo Simões da Costa.  Iha Nota Ba Komunikasaun Sosiál ne’ebé fó sai husi Prezidente Konsellu Superiór Ministériu Públiku asina hosi Prezidente Konsellu Superiór Ministériu Públiku Alfonso Lopez nu’udár  Prokuradór Jerál Repúblika (PGR).

Tuir mai Neon Metin sita konteúdu hosi  nota komunikadu imprensa hosi Konsellu Superiór Ministériu Públiku ne’ebé asina hosi Prezidente Konsellu Superiór Ministériu Públiku Alfonso Lopez nu’udár  Prokuradór Jerál Repúblika (PGR).

Fó-sai ona notísia, komentáriu no informasaun sira liuhosi komunikasaun sosiál oioin relasionadu ho inskrisaun ba Sr. Rogério Pereira Cárceres no Francisco Simões Belo da Costa, jornalista no xefe redasaun, hosi Jornál on-line – hatutan.com, iha ámbitu prosesu inkéritu dixiplinár ida, ne’ebé ninia prosedimentu sira la’o hela iha Konsellu Superiór Ministériu Públiku, hodi hamosu dúvida iha opiniaun públiku.  

Hodi esklarese opiniaun públiku, atu labele iha tan dúvida, Konsellu Superiór Ministériu Públiku, hafoin reúne tiha iha nia sesaun ordinária iha loron-10 fulan-Jullu tinan-2023, delibera, liuhosi unanimidade, informa katak:

Ministériu Públiku la instaura prosesu-krime ruma hasoru Srs. Rogériu Pereira Cárceres no Francisco Simões da Costa Belo, jornalista no xefe redasaun, hosi Jornál On-line hatutan.com, no la konstitui sira hanesan arguidu hafoin publikasaun artigu ne’ebé ho títulu “Deskonfia PJR Alfonso Lopez, ho nia Asesór Jurídiku Óscar Tavares Uza osan Estadu halo Viajen Privadu iha Portugal”.

La eziste iha órgaun ka servisu sira Ministériu Públiku nian kualker prosesu-krime  kontra jornalista relasionadu ho ezersísiu sira-nia funsaun sira.

Liuhosi Deliberasaun n.o 41/KSMP/2023 hosi Konsellu Superiór Ministériu Públiku, loron-29 fulan-Maiu tinan ida ne’e, instaura tiha prosesu inkéritu dixiplinár internu ida, hodi apura responsabilidade funsionáriu no ajente sira Servisu Apoiu Tékniku no Administrativu Prokuradoria-Jerál Repúblika nian relasiona ho divulgasaun públika dokumentu no informasaun ne’ebé protejidu hosi sijilu profisionál, ne’ebé ninia prosedimentu sira la’o hela iha Servisu Inspesaun Ministériu Públiku nian.

Iha ámbitu hosi prosesu inkéritu dixiplinár ida ne’e, mak halo tiha inkirisaun ba sidadaun sira Rogério Pereira Cárceres no Francisco Simões da Costa Belo ho kualidade hanesan sasin, tanba sira iha koñesimentu kona-ba faktu hirak ne’ebé sai nu’udar objetu ba prosesu inkéritu dixiplinár refere.

Relasionadu ho notísia sira ne’ebé publika hosi Jornál “Timor Post” no Jornal Independente iha loron-03 fulan-Jullu tinan ida ne’e, atribui tiha ba Prezidente Asosiasaun Jornalista Timor-Lorosa’e (AJTL), Konsellu Superiór Ministériu Públiku esklarese katak Ministériu Públiku laiha kompeténsia legál atu define krime sira, tanba matéria krime sira nu’udar Kompeténsia Parlamentu Nasionál no Governu nian, liuhosi autorizasaun Parlamentu Nasionál.

Print Friendly, PDF & Email

LEAVE A REPLY

Please enter your comment!
Please enter your name here