Reportajen Adalgisa Pereira
Konsellu Konsultivu aprenzena progresu dezenvolvientu Planu Asaun Nasional Rezolusaun Konsellu Seguransa Nasoens Unidas (PAN-RKSNU
Iha sorumutu nee programa Feto Paz no Seguransa, reprezentante UN Women, Leonesia Tecla da Silva hateten objetivu husi enkontru ne’e atu hato’o progresu dezenvolvimentu Planu Asaun Nasional Resolusaun Konsellu Seguransa Nasoes Unidas 1325 (PAN RKSNU 1325) ba faze daruak.
“Tau hamutuk informasaun sira ne’ebe mak dadaun nee foti husi konsultasaun, rezultadu lina ministeriais no nivel munisipiu, PAN RKSNU 1325 faze daruak servisu hamutuk ho lina ministeriais hamutuk 15 no sosiedade sivil hamutuk 11, hakerek ba outline nee hamutuk ema nain 7 husi sosiedade sivil, Ministeriu Interior, Sekretaria Estadu Protesaun Civil no UNWOME, “ teknik Leonesia iha hotel JL vila Fatuhada 26/11
Nia hatutun elaborasaun segundu faze PAN RKSNU 1325, ekipa redatora prepara hela esbosu sei apresenta ba Konsellu Ministru atu aprova ,tamba iha rezolusaun nee rasik mos fo dalan oinsa fo protesaun ba vitama husi konflitu
“PAN RKSNU 1325 segundu faze dadaun nee iha ekipa redatora prepara hela esbosu sei apresenta ba konsellu ministru atu bele halo aprovasaun, hodi nunee liñas ministeriais governu no komunidade iha komitmentu rasik atu asegura katak partisipasaun feto sira, ba harii paz no prosesu foti desizaun nee importante , iha rezolusaun nee rasik mos fo dalan oinsa fo protesaun ba vitama husi pasadu konflitu ida nee mak hakarak governu Timor-Leste iha mekanismu ida oinsa atu bele fo asistensia ba feto no labarik uluk sai vitama ba konflitu pasadu “ dehan Leonesia Tecla da Silva
Iha fatin hanesan Diretor Diresaun Nasional Prevensaun Konflitu Komunitaria (DNPKK), Antonio Viegas hateten PAN RKSNU 1325 nee hahu husi 2016 too 2020 no halo revisaun iha progresu, tan ne’e governu tau osan $22 mil atu implementa planu asaun 1325 ba segundu faze, no mos servisu hamutuk nafatin paseiru sira neebe mak suporta no dadaun nee hahu fila to’o 2025
