Home Notisia Agrikultór Iha Rural La Asesu Merkadu, HATAJO: OJE 2022 Tenke Tau Atensaun...

Agrikultór Iha Rural La Asesu Merkadu, HATAJO: OJE 2022 Tenke Tau Atensaun Ba Estrada Rural

782
0
Koordenadór Haburas Talentu Juventude (HATAJO) husi Munisípiu Aileu, Apolinario Tilman. [Foto: Santy | 28.11.2021

Reportajen Santina Lucia da Costa

Koordenadór Haburas Talentu Juventude (HATAJO) husi Munisípiu Aileu, Apolinario Tilman hateten, produtu lokál ne’ebé mak komunidade sira kuda nee iha, maibé estrada la fó vantajen ba to’os na’in sira,  transporte labele to’o iha sira nia fatin hodi lori produtu lokál sira ba fa’an iha merkadu.

Koordenadór HATAJO hato’o preokupasaun ne’e iha lansamentu ba Sentru Media ho naran “Hametin Ekonomia ne’ebé diversifikadu no Inkluzivu iha OJE 2022”, iha sede HASATIL, Farol-Dili.

“Situasaun ne’ebé mak Haburas Talentu Juventude (HATAJO) iha Aileu, halo monitórin infrenta hela maka, infraestrutura báziku liuliu ba produtu lokál ne’ebé mak komunidade sira asesu, maibé falta Estrada tanba Estrada la fó vantajen to’os na’in sira oinsá bele lori transporte ita nia produtu local sira ba fa’an iha merkadu.” Akresenta Koordenadór HATAJO, ba Jornalista sira iha Edifisiu HASATIL, Farol, 25/11.

Apolinario rekomenda nafatin katak, liu husi Orsamentu Jeral Estadu (OJE) 2022 atu tau atensaun ba estrada rural sira, nune’e bele lori produtu lokál sira bele mai iha merkadu no promove iha nivel nasionál no internasionál.

Iha fatin hanesan Prezidente Uniaun Agrikultura Ermera (UMAE), Alberto Martins Guterres, realsá katak, husi Ermera mós preokupa mak estrada, tanba koalia kona-ba to’os na’in sira iha area rural, sira ne’ebé do’ok husi estrada, entaun susar tebes, sira halo tiha produsaun depois estrada aat, susar tebes atu asesu ba merkadu, kuandu sira la lori sira nia produtu ba merkadu, ne’e mós impaktu ida ba sira, entaun sira aumenta baruk.

Prezidente UMAE hatutan atu halo produsaun di’ak, presiza mós estrada tenke to’o iha area rural sira, atu nune’e to’os na’in sira bele asesu ba merkadu.

Print Friendly, PDF & Email

LEAVE A REPLY

Please enter your comment!
Please enter your name here