Home Notisia RHTO: Iha OJE 2022 Tenke Tau Prioridade Ba Edukasaun, Saúde no Agrikultura...

RHTO: Iha OJE 2022 Tenke Tau Prioridade Ba Edukasaun, Saúde no Agrikultura Inkluzivu

789
0
Koordenador OtB Husi RHTO, Junior da Costa de Araujo.[Foto: Santy | 28.11.2021]

Reportajen Santina Lucia da Costa

Koordenadór Programa Open The Book (OTB) husi Ra’es Hadomi Timor Oan (RHTO) husu governu ba alokasaun Orsamentu Jerál Estadu (OJE) tinan 2022 nian, tenki tau mós prioridade ba asuntu defisiénsia, hanesan edukasaun inkluzivu, saude inkluzivu, no agrikultura inkluzivu.

Hatan ba Neon Metin relasiona ho proposta OJE 2022, ne’ebe sei halo debate públiku iha Parlamentu Nasionál, iha tempu badak nia laran, Koordenador OtB Husi RHTO, Junior da Costa de Araujo dehan governu tenke tau mós prioridade iha asuntu defisiénsia, hanesan ba edukasaun, orsamentu tenke tau ba edukasaun inkluzivu, saúde inkluzivu, no agrikultura inkluzivu, atu nune’e povu mós sente.

“Hanesan Povu, hau defisiensia hau mós goza duni estadu ne’e ninia dezenvolvimentu ba ida ne’e.” tenik, koordenadór OTB, Junior da Costa de Araujo, iha Edifisiu HASATIL, Farol, 25/11.

Iha fatin hanesa Koordenadór Forum Juventude Defisiénsia Ermera (FJDE), Marcos de Jesus Martins salienta katak,  durante ne’e iha atividade kona-ba produsaun kafé uut, mobiliza ema maluk defisiénsia ne’ebé iha area izoladu, oinsá atu bele kria atividade ba sira.

“Ami husu ba governu relasiona ho OJE 2022, Governu bele tau mós prioridade ba ema ho defisiénsia, tanba dala barak ema ho defisiénsia ne’e sira dehan labele halo buat ida, maibé realidade defisiénsia balun iha hanoin atu kria atividade ba sira nia-an, tanba ne’e mak ami sujere ba estadu oinsá atu bele tau atensaun ba ema ho difisiensia sira ne’ebé durante ne’e iha hela atividade iha area izoladu sira.” Rekomenda, Koordenadór FJDE, Marcos de Jesus Martins.

Print Friendly, PDF & Email

LEAVE A REPLY

Please enter your comment!
Please enter your name here