Home EduTek UNITAL, Institutu Citra Bangsa Kupang no MS Halo Abertura Formasaun Ba Estudante...

UNITAL, Institutu Citra Bangsa Kupang no MS Halo Abertura Formasaun Ba Estudante Total 1200

69
0
UNITAL, Institutu Citra Bangsa Kupang no MS halo abertura formasaun ba estudante sira. [Foto: Agustina | 24.01.2023]

Reportajen Estajiada Agustinha Amaral

Universidade Oriental Timor Lorosa’e (UNITAL) ho Ministériu Saúde (MS) no Institutu Citra Bangsa Kupang, Indonesia, halo abertura formasaun ba estudante foun UNITAL etapa dahuluk tinan 2023 hamutuk 1200.

Iha abertura formasaun refere, Reitór UNITAL Florindo Perreira hateten, “atividade ohin ne’e fo palestra ba estudante foun sira, tanba ita servisu hamutuk ho Universidade Citra Bangsa iha Kupang, ne’ebé iha relasaun ho saúde nian entaun ami mos konvida Ministra Saúde hodi hato’o lia-fuan ida ka rua ba estudante foun sira, hodi bele halo di’ak ba eskola ida ne’e”, Reitór UNITAL iha Auditorium UNITAL, Bekora, Tersa-feira, 24/01.

Nia hatutan formasaun ne’e mos konvida Institutu Citra Bangsa Kupang, atu sira akapta mos programa universidade nian, atu nune’e sira bele kompara, nune’e hamutuk fali ho sira hodi akapta sira nian liu-liu sira nia área saúde atu estudante sira prátika karik ho fasilidade kompletu.

“Ita koopera ho Universidade la’os ho Universidade Citra Bangsa de’it, maibé ho universidade sira seluk ne’ebe uluk mos mai tiha ona no balun atu mai tan, ita mos atu halo planu hodi haruka ita nia estudante balun no dosente sira hodi ba kontinua estudu mestradu no Doutoramentu iha universidade ne’ebé ita asina akordu ona”, nia dehan.

Entretantu Ministra Saúde ko’alia mos konabá sira nia ambiente, no oinsá estudante sira hala’o estudu ho di-di’ak to’o hotu, tantu estudante ho dosente sira hotu atu nune’e bele fo ambiente di’ak nian, hodi bele suporta estudante to’o remata estudu.

“Ita sei servisu hamutuk ho Ministériu Saúde hodi nune’e bele mos iha akonsellamentu, konabá oinsá suporta ba eskola ne’e, depois ida ne’e ita halo oinsá iha futuru bele di’ak ba nasaun no di’ak ba ema hotu”, reitor ne’e akresenta.

Por tantu total estudante foun etapa dahuluk na’in 1200 ne’ebe mak sira simu ona formasaun ka palestra ne’e no sei iha etapa segundu no terseiru.

Universidade UNITAL rasik iha Fakuldade 7 hanesan Saúde, Edukasaun, Agrikultura, Engiñaria, Ekonomia, Direitu ho Siénsia Polítika.

Print Friendly, PDF & Email

LEAVE A REPLY

Please enter your comment!
Please enter your name here