Home Meio Ambiente Anin no Udan Boot Hahú Husi 16 Janeiru, Estraga Ona Uma Hamutuk...

Anin no Udan Boot Hahú Husi 16 Janeiru, Estraga Ona Uma Hamutuk 45 no Nain Ida Mate

161
0
Adjuntu Komandante Operasaun Nasional APC, Serafin do Santos halo konferensia imprensa. [Foto: Filomena | 24.01.2023]

Reportajen Filomena da Conceição

Durante semana kotuk iha Timor-Leste akontese anin boot no udan,  nune’e Autoridade Protesaun Civil ( APC) rejista uma kain hamutuk 45 maka sira nia uma hetan estragus, no rai lakan hamate joven ida iha Manufahi.

Liuhusi Konferensia Imprensa  Adjuntu  Komandante Operasaun Nasional APC, Serafin do Santos, relata  hahú husi 16 Janeiru 2023 Autoridade Protesaun Civil rekolla informasaun ba situasaun dezastre nian, mak hanesan parte husi Munisípiu Dili, rekolla informasaun ai-han uma ida no anin sobu uma ho totál 27.

Nune’e iha Munisípiu Bobonaru ahi-han uma rua, iha Liquisa ahi-han uma ida no anin sobu uma hamutuk 11, iha Munisipiu Manufahi anin sobu uma ida, no  iha Viqueque udan no anin boot halo ai no nuu monu estraga uma rua

“Iha semana ne’e,  komunidade afetadu ne’ebé sira nia uma hetan estragus hamutuk 45,  no iha Munisipiu Manufahi rai lakan, hamate  komunidade ho naran Natalino de Jesus  idade 18 anos,” Dehan   Adjuntu  Komandante Operasaun Nasional,  APC iha edifisiu Autoridade Protesaun Civil (APC), Kaikoli, Tersa 24/01.

Nia haktuir relasiona ho situasaun dezastre refere,  komunidade afetadu sira hetan ona ajuda husi parte autoridade Protesaun Civil  sira iha Munisípiu ida- idak nian.

Nia salienta informasaun hirak ne’e rekolla husi 16 Janeiru ate  23 Janeiru 2023,  ho nune  nafatin husu  ba komunidade sira hotu, atu hadook an husi ai-hun boot sira, no mós ba fatin sira ne’ebé risku tanba bele fo ameasa ba ema nia vida.

Alende ne’e, adjuntu Komadante Kooperasaun Nasionál husu mós ba  komunidade sira, evita soe foer arbiru tanba liuhusi soe foer arbiru bele fó impaktu ba inundasaun.

Print Friendly, PDF & Email

LEAVE A REPLY

Please enter your comment!
Please enter your name here