Home Notisia Fundasaun Mahein Preokupa Estadu Falla Kontrola Kilat, Maski Lei Iha Ona Hodi...

Fundasaun Mahein Preokupa Estadu Falla Kontrola Kilat, Maski Lei Iha Ona Hodi Regula

87
0
Diretór Ezekutivu Interinu Fundasaun Mahein (FM), Abel Amaral. [Foto: Joanina | 24.01.2023]

Reportajen Joanina Casamiro

Fundasaun Mahein (FM) preokupa estadu falla iha implementa regra no prosedimentu ligadu ho kontrola, uza no asesu ba armas de fogo (kilat),  maske lei iha tiha ona hodi regula forsa seguransa sira uza kilat, maibé implementasaun seidauk natoon.

Liuhosi konferensia imprensa Diretór Ezekutivu Interinu Fundasaun Mahein (FM), Abel Amaral hateten, durante tempu naruk, FM preokupa tebes tanba estadu falla atu implementa regra no prosedimentu ligadu ho kontrola, uza no asesu ba armas de fogo (kilat). Maske lei iha tiha ona hodi regula forsa seguransa sira uza kilat, implementasaun seidauk natoon, no FM konsidera lei hodi regula ema sivíl asesu ba kilat seidauk iha.

“FM haree estadu falla atu monitor no kontrola didi’ak sirkulasaun kilat iha Timor-Leste, nu’udar ameasa ba seguransa públiku no estabilidade nasionál. Foin lalais iha insidente no boatus liga ho sosa kilat no ofisiál estadu rai kilat iha uma,  no insidente sira ne’e hatudu katak Governu sira presiza tau atensaun ba kestaun ne’e”, Dehan Diretór Ezekutivu Interinu  FM,  iha Salaun Fundasaun Mahein. Tersa 24/01.

Nia haktuir, Povu Timor -Leste komprende  konaba risku husi kilat iha tempu Indonézia, povu sofre, tanba brutalidade militár Indonézia no milisia sira, depois restaurasaun independénsia , estadu foun monu ba violénsia komunál durante krize 2006. Fatór bo’ot ne’ebé provoka krize distribuisaun kilat ilegál ba membru forsa seguransa no ba ema sivil . Maske situasaun estabiliza ona , sei iha kilat ho tipu militár ne’ebé seidauk rekolla to’o agora.

Ho ida ne’e Fundasaun Mahein husu governu tenke reativa Komisaun Investigasaun Armas, hodi estabelese sistema atu halo audit annual ba armas no fogo ( kilat ) hodi kobre forsa seguransa nomós ema sivil sira.

Print Friendly, PDF & Email

LEAVE A REPLY

Please enter your comment!
Please enter your name here