Home EduTek Inan-Aman Kontribui Harii Sala Eskola 2 ba ESG 5 De Maio

Inan-Aman Kontribui Harii Sala Eskola 2 ba ESG 5 De Maio

92
0
Konstrusaun Sala 2 iha ESG 5 de Maio Lao Dadaun (Foto: Frans JDA)

Reportajen Francisco JDA

Inan-aman Eskola Sekundaria Geral (ESG) 5 de Maio fo kontribuisaun hodi harii edifisiu eskola. Kontribuisaun ida ne’e ho tulun eskola atinji ninia obejetivu sira no mos nia vizaun no misaun. Diretor Manuel Verdial esplika ba neonmetin.info iha ninia edifisio, 22/11, katak sira halo eskola ho kontribuisaun inan-aman nian tanba inan aman sira mos preocupa.

“Problema ne’e hau la bele resolve, hau labele duni ema nia oan sira. Sira hakarak mai eskola, hakarak buka eskola ne’ebé diak, no buka eskola ne’ebé selu oituan, maibe la bele implika ba sira nia futuru. Tamba ne’e ita loke eskola ida ne’e bolu inan aman mai halo encontro, ita fo hatene problema ne’e ba inan aman no sira bele kontribui $2 ka hakarak fo $5, tamba fatin ne’e limite sala rua nian edifisiu refere sei halo andar ida,” Diretor ESG 5 de Maio, Manuel Verdial esplika.

Tuir Direitor ne’e, iha nia intervensaun koalia kona ba preokupasaun ema Timor oan sira nian relasiona ho kualidade, maibe Timor oan sira komesa ona detekta ba fatin sira ne’ebé prepara kondisaun ba kualidade ida ne’ebé diak iha futuru.

“Eskola ida ne’e iha ninia jornada, ita hahu mai husi edifisiu ida atu produs no atu tau ema. Hanesan fatin edukativu nian atu transforma ema, ne’e ita nia mehi, maske nain ulun sira la tun mai haree, maibe liu husi media, nain ulun sira haree kondisaun real. Hau hakilar hatudu faktus balun hadia ona balun iha prosesu nia  laran. Governo prekupa ita mos prekupa,” dehan Direitor Manuel, iha ninia edifisu ESG 5 de Maio, Becora, 22/11.

Nia haforsa tan katak ita prekupa maibe halo dadaun buat balun, hanesan Governo Central nia liman ain, halo ona Biblioteka no dadaun ne’e sei transforma ba Teknolojia multimedia no iha ona komputador Unidade 30.

“Eskola ida ne’e ami hadia ninia konstrusaun, hadia ninia hahalok, hadia nia disiplinha. La hein katak 5 de Maio sei hetan valor diak, maibe hakarak halo buat ne’ebé la hein ema atu gava ita. Ami rai mamuk la iha ona, ita harii tan sala rua, lakohi tau ema 70 iha sala ida. Se bele karik ita halo sala rua ne’e, ho objetivu husi sala rua ne’e, atu reduz numeru alunos iha sala sira ne’ebé barak liu, tur fatin la diak sena malu,” Manuel aumenta.

Nia dehan montante osan ne’ebé plaena ba sala rua ne’e, konforme forsa too iha ne’ebé mak la hotu. Bolu direita inan aman tamba dadaun ne’e inan aman halao ona promete no balun fo ona no balun seidauk.

Estudante ESG 5 de Maio, Bernardo Monteiro, expressa dehan, “espera eskola harii duni sala 2 tan. Tanba ami nia sala ema barak demais.”

Tuir observasaun jornalista nian iha fatin 5 de Maio hare katak sala rua ba estudante sira konstrui dadaun hela.

LEAVE A REPLY

Please enter your comment!
Please enter your name here