Reportajen Adalgisa Pereira
Diretor Forum Organizasaun non Govermental Timor-Leste (FONGTIL), Daniel dos Santos Carmo hateten serbisu Komisaun Anti Korupsaun (CAC), sei sai preokupasaun boot iha sosiedade, dalabarak sira nia hanoin anologia katak CAC hanesan komisi amankan kawan KAK, tanba iha funsionariu publiku sira uza rekursu estadu nian ba intetese privadu, no atendementu ba publiku sai nafatin problema
“Iha funsionariu publiku sira uza rekursu estadu nia ba intetese privadu, funsionariu publiku sira iha mill ital maibe atendementu publiku loron ba loron, sai nafatin problema hanesan ema ba halo Billete Intidade, Pasaporte, karta kondusaun no registu negosiu ruma ,nafatin antri. Aktu nee hotu fo vantagen ba sidadaun monu ba lasu subornu ka fo buat ruma ba entidades estadu, atu antede sira ho lalais tan ne’e Komisaun Anti Korupsaun ninia atitude ida, atu halo prevensaun ka kontribui ba mudansa sidadaun ho governante ita la haree,” hateten Diretor FONGTIL, liuhusi konferensia imprensa, iha salaun FONGTIL, 09/12
Nia husu ba CAC atu haree mos ba kestaun korupsaun tempu disiplina atendementu neebe buras iha Parlamentu Nasional
“Liliu atetude aat liu mak Parlamentu Nasional, sira iha ne’eba iha GOPAC maibe Parlamentu Nasional mak halo korupsaun barak liu, ita nia observasaun no korupsaun laos deit haree ba orsamentu estadu, maibe korupsaun tempu disiplina”, dehan Diretor FONGTIL
Nia konklui diak liu atu kombate ka prevensaun ba korupsaun, CAC, Prokurador Jeral Repúblika (PGR) ho Ministério Publiku (MP) tenke agresivu tanba CAC labele halo serbisu ba kazu sira hanesan roo Haksolok, USB 400 resin no kazu seluk
