Home Saude MS Realiza Workshop Konaba Risku Komunikasaun Ba Moras Surtu

MS Realiza Workshop Konaba Risku Komunikasaun Ba Moras Surtu

107
0
Ministeriu Saude Realiza workshop konaba Hakbesik an Ba Komunidade no Risku Komunikasaun ba Moras Surtu. [Foto: Santina Lucia da Costa | 26.11.2019]

Reportazen Santina Lucia da Costa

Ministeriu Saude [MS] liu hosi Departamentu Expidiente Relasaun Publiku, realiza workshop ho tema Hakbesik an Ba Komunidade no Risku Komunikasaun ba Moras Surtu.

Objetivu hosi workshop ne’e atu hatene di’ak liu tan kona-ba oinsa hakbesik-an ba komunidade sira, atu komunidade sira servisu hamutuk hodi bele iha informasaun lolos iha publiku, bainhira moras emerjensia, hanesan moras virus ne’ebé agora dadaun akontese iha Timor, fahi sira mate arbiru de’it.

Tuir Diretór Nasional Kontrolu Doencas, Antonio da Costa katak, nasaun Timor iha problema barak kona-ba risku komunikasaun ne’e bele afeita ba ema nia vida no nesesidade servisu, no problema tan mak bai-loron naruk, hahan la to’o, no akontese ahi han rai.

“Ita iha problema barak, hanesan problema risku komunikasaun bele afeita ba nesesidade servisu nian, afeita ba ema barak nia vida, ita nia problema seluktan mak tempu bailoron naruk, bele halo hahan la to’o, akontese ahi han rai, problema seluk tan ligasaun servisu saude hanesan surtu sira akontese iha ita nia rai, akontese iha nasaun vizinho sira, situasaun ne’ebé akontese iha ema nia rain bele mós akontese iha ita nia rain, entaun ita tenke iha komunikasaun ne’ebé di’ak, pro ezemplu, ahi han iha Comoro, ita halai fali ba Becora, depois to’o iha Becora ahi la han uma maibé ahi han entaun komunikasaun ne’e bele afeita ba ema”, hateten Diretór Antonio da Costa, iha abertura workshop iha Plaza, 25/11.

Liu hosi workshop ne’e Diretor Antonio da Costa ho esperansa boot katak aprezentasaun sira bele konvensa iha area ida ne’e no ba situasaun ida ne’e.

Iha fatin hanesan, Doutór Rajesh Pandav hateten, dezastre naturais ne’ebé akontese bebeik, bailoron naruk ne’e grave, akontese bebeik bele sai mós problema ida, rai nakdoko no tsunami bele kria risku ba dezastre naturais.

Doutor Rajesh hatutan kalkulasaun ne’ebé aas tebes kona-ba risku mak infeksaun iha rejiaun ida ne’e, kada tinan sempre iha surtu dengue ne’ebé maka akontese iha munisipiu inklui Dili, durante tempu udan, bele mós iha moras surtu, tanba hahan ne’ebé la seguru iha tempu agora no antes.

Rajesh informa tan risku ne’ebé moras sempre iha hanesan nikula, torazika, influensia ita nia rigesen iha tempu udan nian, ita labele hala’o prediksaun kona-ba situasaun emerjensia no dalabarak situasaun emerjensia iha impaktu ne’ebé boot tebes ba saude, sosial negronia tanba surtu.

“Intervensaun ba publiku bele prevene impaktu husi situasaun emerjensia hirak ne’e, intervensaun ida ne’ebé bele susesu liu husi servisu hamutuk ho komunidade hirak ne’ebé maka veteranu no publiku sira. Atu labele hamosu risku komunikasaun, komunidade sira tenki servisu hamutuk ho saude sira”.

LEAVE A REPLY

Please enter your comment!
Please enter your name here