Home Notisia Impaktu Hosi Insendio Governo Sei Rekupera Uma Hamutuk 518

Impaktu Hosi Insendio Governo Sei Rekupera Uma Hamutuk 518

153
0
Secretario Estado Protesaun Sivil [SEPC], Alexandrinho Xavier Araujo. [Foto: Francisco JDA | 27.11.2019]

Reportazen Francisco JDA

Relasiona ho insendio ne’ebe akontese dadauk iha município haat, iha Timor-Leste, ne’ebe estraga comunidade nia uma, governu liu hosi Secretario Estado Protesaun Sivil [SEPC] hala’o ona verifikasaun ba insendio ne’ebé akontese iha fulan Outubru, liu-liu iha Municipio Ermera, Aileu, Bobonaro no Liquica.

Komunidade sira hetan ona apoio emerzencia maibe SEPC sei presiza halo tan verifikasaun, hodi nune’e bele kontrui ou rekupera fila fali uma ne’ebé mak hetan estragus

Secretario Estado Protesaun Sivil [SEPC], Alexandrinho Xavier Araujo afirma ba jornalista Neon Metin iha nia servisu fatin kaikoli 26/11, hatete sei konstrui ou rekupera ba uma hamutuk 518 hosi municipio haat ne’ebé hetan estraus

“Tipu rekuperasaun no konstrusaun ba sira nia uma sei presisa verifikasaun ba dadus ho objetivu ida ne’e ahi-han ne’e bele total ida anin sobu talves balun kalen rua ou kalen tolu, ita presisa iha fali verifikasaun dadus ne’e mak husi municipio haat ne’e ita hetan total 518 familias mak atu halo rekuperasaun ou hadia fali sira nia uma”, dehan Alexandrino Xavier

Nia haforsa tan kona ba tipu emerzencia Protesaun Sivil no MSSI, Cruz Vermelha halao tiha ona no hein katak Ministerio Edukasaun hetan ona dadus nune’e bele konstrui fila fali ba eskola sira ne’ebé hetan estragus

“Eskola ninian ita kopera ho Ministerio Edukasaun parece dadus mos ME iha hotu ona oinsa atu hadia fila fali sira nia Eskola i laos eskola deit iha kapela balun mos ahi-han, uma lisan balun mos ahi-han ita kopera mos hp parte Ewstadu nian liu-liu ba iha Secretaria estadu Cultura para atu hare kona ba uma lisan hira mak ahi-han”, hateten Alexandrino

Secretario Estadu mos hateten insendio ne’ebé akontese iha fatin barak, halo ona koperasaun ho Ministerio hotu, nune Ministerio relevantes sira direitamente asesu dadus ba area ne’ebé mak sira iha, ba rekuperasaun uma, orsamentu emerzensia ne’ebé Primeiro Ministro mak fo ona, iha orientasaun liu hosi Ministerio Estatal, Premeiro rekuperasaun iha municipio haat, no segundu faze sei iha Baucau, Viqeueque, Lospalo no seluk tan.

Sorin seluk Ponto Vokal Ermera, Antonio Vieira hateten husi insedio ne’ebe akontese iha fulan Outubro hetan estragus ba Eskola no Kapela

“Ami hetan dadus husi suku, insendio ne’ebe akontese iha 714 familia afetado no seidauk konta ho kategoria seluk husi tipo estragus ne’ebe akontese ba chefe familia iha 113 husi 400 ne’e hetan estragus husi anin boot, loke mos ho edificio instituisaun Governo nian hanesan eskola Instituisaun Religiojo hanesan kapela husi suku Katrei leten posto Admistrativo letefoho no Hatlia hetan estragus Eskola rua ho kepala Ida” Tenik Antonio

LEAVE A REPLY

Please enter your comment!
Please enter your name here