Home Notisia Rede Feto Aprezenta Plataforma Hitu Konaba Asumtu Feto Ba Governu TL

Rede Feto Aprezenta Plataforma Hitu Konaba Asumtu Feto Ba Governu TL

193
0
Prezidente Konsellu Rede Feto, Judite Dias Ximenes. [Foto: Santina Lucia da Costa | 27.11.2019]

Reportazen Santina Lucia da Costa

“Plataforma ne’e iha tematiku hitu mak hanesan justisa no pratika tradisional, edukasaun ba labarik sira, saude, feto iha vida politika no dezentralizasaun, feto no ekonomia, feto rural no inkluzaun sosial”. Judith

Rede Feto Timor-Leste nudar sumbrinha ba organizasau feto iha Timor-Leste, realiza workshop hodi aprezenta rezultadu plataforma asaun ne’ebe desidi hamutuk ona iha kongresu nasional Rede Feto ba dala lima foin lalais ne’e.

Plataforma ne’ebe mak iha, hamutuk ho Ministeriu xave ho parseiru dezenvolvimentu sira, atukonsidera no investe hodi responde Planu Dezenvolvimentu Nasional [PAN] no alkansa objetivu dezenvolvimentu sustentavel ne’ebe estadu hakarak atinji, hodi halo kreximentu no mudansa

Tuir Prezidente Konsellu Rede Feto, Judite Dias Ximenes katak workshop ne’e hodi Fo divulgasaun koñesimentu ba parte governu nian, ba parlamentu no mós ba parseiru dezenvolvimentu sira, hodi divulga plataforma ne’ebé sai hanesan sira nia programa, hodi bele investe orsamentu.

Esplikasaun hosi Prezidente Konsellu katak plataforma ne’e iha tematiku hitu mak hanesan justisa no pratika tradisional, edukasaun ba labarik sira, saude, feto iha vida politika no dezentralizasaun, feto no ekonomia, feto rural no inkluzaun sosial.

Judith dehan Rede Feto nia papel maka halo advokasia, fó kapasitasaun, halo bens servisu no hametin instituisaun, servisu seluk mak atu organiza duni kongresu nasional, hodi produz plataforma ba feto Timor-Leste.

“Problema esensial ne’e ba aspetu hotu, sempre iha violensia no ne’e nia markadór ne’e kontinua aas, ema dehan violensia hasoru feto mosu tanba fatór ekonomiku, kultura no karakter ema nian, se karakter ema nian, oinsa Rede Feto halo mudansa ba ema nian karakter. Iha kongresu ne’e duni mós feto Timor-Leste hasai rezolusaun ida katak Timor saudavel, entaun timor-oan mak tenki interpreta Timor saudavel”, hateten Judith iha salao Delta Nova, 27/11.

Rede Feto rekomenda ba governu atu suporta kapasitasaun iha lideransa hodi partisipa iha vida politika, xefe suku no aldeia, tanba Rede Feto iha komitmentu kontinua hodi promove feto iha vida politika.

 

LEAVE A REPLY

Please enter your comment!
Please enter your name here