Home Notisia Lansa Spotlight Initiative Ho Objetivu Halakon Violensia Hasoru Feto no Labarik Feto

Lansa Spotlight Initiative Ho Objetivu Halakon Violensia Hasoru Feto no Labarik Feto

187
0
SEII, UNO no Uniaun Europae lansa spotlight Initiative. [Foto: Francisco JDA | 05.03.2020]

Reportazen Francisc JDA

Secretaria Estadu Igualdade Inklusaun [SEII], Uniaun Europea no Nasoens Unidas halo lansamentu ba Inisiativa Spot ho objetivu hodi luta hasoru violensia kontra feto no violensia kontra labarik feto iha Timor-Leste,

Secretaria Estadu Igualdade Inklusaun, Maria José da Fonseca Monteiro ba jornalista sira hateten, Secretaria Estadu iguladade Inklusaun iha esforso atu hakotu violensia hasoru feto no labarik feto, iha Timor Leste no aprova ona Lei no 7/2010 Lei Kontra Violensia Domestika

Iha ona Planu Asaun Nasional atu kombate violensia, bazeia ba jeneru iha faze dahuluk no daruak, no agora tempu tan ita atu halo revisaun tan fila fali ,Ministerio relevante sira, sosiedade sivil hotu, tau kompromisiu boot atu hamenus violensia hasoru feto no labarik feto, liu hosi pilar haat, prevensaun, protesaun, asesu ba justica no halo monitorizasaun ba implementasaun planu ne’e rasik”, dehan Secretaria Estadu Igualdade Inklusaqun Maria Jose Fonseca, Iha Hotel Timor, 05/03/20

Maria  Jose Fonseca esplika SEII organiza ona enkontro meja kabuar, hodi halo avaliasaun ba implementasaun Lei Kontra Violensia Domestika, iha prekupasaun barak tanba violensia domestika kontinua as no oinsa mak bele hamutuk, kria kondisaun hodi harmoniza Lei sira ne’ebe iha.

“Lansamentu ida ne’e SEII bele ajuda liu tan governu Timor Leste, hodi atinji objetivu final no prinsipal, atu ema hotu livre hosi violensia, liu-liu feto no labarik feto, bele goza sira nia direitu la ho violensia no la ho diskriminasaun” tenik Secretaria Estadu Maria Jose

Nia hatutan iha loron 8 Marsu mundo tomak sei komemora loron internasional feto, loron importante ne’e sei komemora hodi rekoinesimentu feto no seim ema ida hare ba sira nia nasionalidade, lian ne’ebe koalia, lisan, kondisaun ekonomika ka afiliasaun politika. Tema ba tinan  ida ne’e “Ha’u Jerasaun Igualdade Hakonu Direitu Feto nian” iha espetativa atu halakon diskriminasaun, hakotu violensia hasoru feto no labarik,  bele duni kontribui atu hakonu mos sira nia direitu.   

Spotlight Initiative mak paerseira global, plurianual entre Uniaun Europeia no Nasoens Unidas, hodi halakon violensia ho forma oioin hasoru feto no labarik feto sira to’o 2030. Ida ne’e mak esforsu boot liu mundu nian.

LEAVE A REPLY

Please enter your comment!
Please enter your name here