Home Notisia Kandidatu PR Virgílio: Veteranu Tenke Sai Ezemplu Ba Jerasaun Foun Atu Dedika...

Kandidatu PR Virgílio: Veteranu Tenke Sai Ezemplu Ba Jerasaun Foun Atu Dedika an

330
0
Kandidat PR, Lamukan. [Foto: Ekipa susesu Lamukan | 05.03.2022]

Reportajen Adroaldo ‘Saretukau’

Kandidatu independente ba Prezidente Repúblika, Virgílio da Silva Guterres “Lamukan” husu ba veteranu sira atu halo reflesaun ba ida-idak nia aan durante tinan 20 ikus hafoin restaura independénsia, atu labele sai todan ba estadu, maibé ho sira nia naran kontribui ba estadu no sai ezemplu ba jerasaun foun atu dedika no sakrifika sira nia ba nasaun doben ida ne’e.

Iha nia intervensaun durante kampaña diálogu ho komunidade sira iha Venilale, nia husu atu veteranu sira restaura hikas sira nia naran ida ne’ebe fo’er ona iha komunidade no iha públiku. Nia dehan ema la bolu ona ita veteranu, maibé bolu ona ema meteranus, tanba lor-loron la’o ho metru ba sukat projetu no mete iha problema hotu-hotu.

“Veteranu ne’e labele sai todan ba estadu, maibé hulan lisuk todan ne’ebé estadu ne’e lori, la’os lori fali todan. O ba bairu ida estrada seidauk tama, oh tanba saída? Tanba veteranus sira hadau hakarak kaer,” nia preokupa ho veteranus ohin loron nia atitude iha sosiedade nia leet.

“Veteranu tenke sai ezemplu ba jerasaun foun sira oinsá atu dedika aan, oinsá sakrifika aan ba rai ida ne’e, tanba ne’e mak ita tenke restaura ita nia naran di’ak veteranu, ita tenke sai ezemplu ba sidadaun sívika ba rai ida ne’e,” tenik kandidatu Lamukan iha nia intervensaun, Sábadu fin de semana ne’e iha Bazar Venilale, 05/03.

Print Friendly, PDF & Email

LEAVE A REPLY

Please enter your comment!
Please enter your name here