Home Notisia 12 Abril, MS Deteta tan Kazu Pozitivu COVID-19 Hamutuk 28

12 Abril, MS Deteta tan Kazu Pozitivu COVID-19 Hamutuk 28

164
0
Ilustrasaun virus Corona. [Foto: Copyright google | 07.03.2020]

Reportazen Zevonia Vieira

Ministeriu Saude (MS) deteta tan kazu konfirmadu COVID-19 iha loron 12 Abril hamutuk 28. Liu hosi komunikadu imprensa, Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, CIGC-SS, Dr.Rui Maria de Araújo informa ba jornalista sira katak evolusaun surtu COVID-19 iha municipio Dili deteta kazu foun hamutuk 14, nune’e, kazu detetadu ka pozitivu iha Munisipiu Dili husi loron 7 Marsu 2021, loron ne’ebé hahú deteta kazu iha cluster BTN II, Terra Santa, Madohi, to’o ohin, 12 loron Abril 2021, hamutuk hotu 837.

Ho baze ba informasaun ne’ebé disponível, ekipa konjunta saúde halo fali revizaun ba foku propagasaun/cluster iha Municipiu Dili. Suku sai nu’udar area geográfika ne’ebé uza hanesan baze atu haree ligasaun entre kazu, no ligasaun ho expozisaun ba fonte infesaun.

Iha Bobonaro ohin deteta kaz foun nain 1, kazu ida ne’e halo viajen husi Dili, iha Manatuto deteta kazu foun nain 2, kazu pozitivu hirak ne’e halo viajen husi Dili. Iha Covalima deteta tan kazu pozitivu nain 11, kazu hirak ne’e, halo viajen husi Dili.

Dadus jeral ba loron 12 Abril deteta kazu foun hamutuk 28 (iha Dili nain 14 no 14 iha municipio sira seluk), kazu rekuperadu total 29, kazu ativiu hamutuk 544. Husi total kazu detetadu foun ohin mane 12, feto 16.

Husi total kazu detetadu foun ohin  6 sintomátiku no 22 asintomáticos, Husi horiseik mai ohin hamutuk ema nain 339 mak halo teste PCR

Print Friendly, PDF & Email

LEAVE A REPLY

Please enter your comment!
Please enter your name here