Reportajen Joselina dos Santos
Iha selebrasaun misa agradesimentu ba loron Forsa Armada Libertasaun Nasional Timor-Leste (FALINTIL) ba dala 46, Amu selebrante, Mario de Souza Vicente, SDB hateten evanjellu Sao Joao nian ba F-FDTL sira atu sa bibi-atan ne’ebé di’ak, katak bibi-atan sei mate ba nia bibi-atan sira.
“Iha leitura ne’e, hotu-hotu rona rai ne’ebé Maromak promete ba Moizés atu hetan, rai refere la fasil atu hetan, maibe liu husi husi prosesu naruk hanesan luta naruk mak foin hetan, maibe bainhira luta to’o rohan Moizés rasik la goza rai ne’ebe Maromak rasik promete ona ba nia, tanba nia mate,” hateten Amo Selebrante Mario de Souza Vicente SDB, iha omilia Parokia Santo Antonio Motael, 19/08.
Amu Maria esplika leitura ne’e hatudu katak molok ita atu hetan Independénsia ne’e la mai gratuita, maibe liu hosi luta naruk ne’ebe Martires sira nia luta barak, maka lakon vida la konsege haree ita nia Independensia, nune’e ita ne’ebe sei moris tenke lori rai ne’e ho domin, hanesan Bibi-atan ne’ebe di’ak sei ukun nia bibi-sira ho domin.
Nia hatutan Martires ne’ebe mate ona jerasaun foun sira tau laran katak sira nia mate ne’e valor boot ba hotu-hotu, husu nafatin Martires sira tulun, atu nune’e bele fo forsa ba kbiit ba ukun nain no jerasaun foun FALINTIL nian, hodi bele lori rai ida ne’e ba oin ho domin no dame.
