Reportajen Joselina dos Santos
FALINTIL-Forsa Defeza Timor-Leste (F-FDTL), selebra misa agradesimentu hodi komemora loron Forsa Armada Libertasaun Nasionál Timor-Leste ba dala 46.
Hafoin Selebra misa agradesimentu, Kapitão da Infantaria, Horasio Batista dos Santos hateten agradese ba Maromak tanba iha situasaun difisil Pandemia COVID-19 nia laran, maibe bele konsege Selebra misa ba Loron Forsa Armada Libertasaun Nasional Timor-Leste (FALINTIL) ba Dala 46 nian.
“Misa ida ne’e, ita dedika ba heroi FALINTIL sira, liu-liu sira ne’ebé laiha ona no mos ita hasa’e orasaun ba Maromak, ba FALINTIL sira ne’ebé mak sei moris atu Maromak Kontinua tau matan ba iha fatin situasaun ida oihn loron,” hatete Kapitão da Infantaria hafoin Selebrasaun Misa ba Loron FALINTIL 20 Agustu iha Parokia Santo Antonio Motael, 19/08.
Nia dehan, Iha Selebrasaun ida ne’e iha mos atividade importansia ne’ebe atu Komemora Loron 20 Agustu nian, hanesan ema hotu hatene, iha atividade bo’ot ida naran Toor FALINTIL dalan ba Dame, hahú iha 15 Agustu no sei termina iha 29 Agustu.
Nia dehan hodi komemora loron FALINTIL ne’e, Tour ba Dame to’o ona iha Munisipiu Manufahi no sei tun mai Aileu no iha loron 20 Agostu sei selebra loron 20 Agusto no sei kotinua iha loron 25 no determina iha loron 29