Reportajen Silvino Freitas
Kandidatu Prezidente Repúblika, Dr. José Ramos Horta altera nia komísiu polítiku ne’ebé tuir orariu ohin 04/04 realiza iha munisipiu Aileu, maibe halo de’it konferénsia imprensa iha sede nasional kandidatu Prezidente Republika Hudi-Laran Dili.
“Tuir ajenda ohin loron 04 Abríl kandidatu Prezidente Republika, hala’o nia komísiu iha munisípiu Aileu maibe komisaun organizadora deside sei halo de’it mak mini-kampaña iha fatin fatin, liu liu postu-administrativu sira hodi altera no informa fali ba iha CNE hafoin aprova mak bele realiza atividade hirak ne’e” dehan Portavoz Politika Deonisio Babo liu hosi konferensia imprensa iha sede nasional kandidatu prezidente republika Hudi-Laran Dili,(04/04).
Iha konferensia imprensa ne’ebé dirije hosi portavoz politiku, Deonisio Babo no portavoz juridiku Avelino Coelho iha sede nasional aposta programa prioridade ne’ebé José Ramos Horta sei halo wainhira eleitu sai Prezidente Republika ba media sira.
