Reportajen David da Costa Gusmao
Instituto para a Defesa dos Direitos da Criança (INDDICA), Rede Advokasia Direitu Labarik ho nia parseiru hotu, ne’ebé servisu ba direitu no protesaun ba labarik, husu ba inan-aman no mahein labele utiliza labarik sira fa’an sasán bainhira iha tempu kampaña no eleisaun.
Membru Rede Advokasia Direitu Labarik informa inan-aman no mahein labele utiliza labarik sira fa’an sasán iha tempu kampaña, no promove nafatin partisipasaun labarik iha prosesu aprendizajen tuir tempu kampaña.
“Inan-aman no mahein haburas nafatin sentimentu respeitu ba malu, no labele fahe labarik sira nia amizade, tanba diferensa polítika hosi família sira,” Dehan Membru Rede Advokasia, Marciana Pereira liuhosi press konferénsia iha Ministériu Solidariedade Sosiál no Inkluzaun, Kinta 24/02.
Nia haktuir Profesór mantein kompromisu atu labele abandona labarik iha tempu kampaña. Labele fo lisensa ba alunu sira atu ba partisipa kampaña durante prosesu aprendizajen (ho asesaun hosi estudante ne’ebé eleitór tiha ona tinan 17 tiha ona).
“Nune’e mós ba dirijente eskola no Profesór/a sira asegura kontinuasaun hosi prosesu aprendizajen durante tempu kampaña no rejistu infrasaun dixiplinárár ba profesór ne’ebé la marka prezensa,” tenik nia.
Ho ida ne’e Instituto para a Defeza dos Direitos da Criança (INDDICA), rede advokasia diretu labarik hamutuk ho nia parseiru hotu Sosiedade sivil no Konfisaun Relijiozu sira Igreja nian apoiu nafatin fahe informasaun kona-ba direitu labarik no bandu partisipasaun durante tempu kampaña no Bele fo avisu ba sarani liu husi atividade liturjia iha tempo misa ka kultu durante períodu kampaña hodi labele involve labarik iha kampaña.
