Home Notisia MTCI Entrega Proposta Kreditu Suave Hosi Empresa Ekonomia Kiik Ba BNCTL ho...

MTCI Entrega Proposta Kreditu Suave Hosi Empresa Ekonomia Kiik Ba BNCTL ho Funan 3%

938
0
MTCI entrega Proposta empresa ekonomia kiikba BNCTL. [Foto: Copyright media MTCI | 25.05.2021]

Reportajen Francisco JDA

Ministeriu Turizmu Comerciu Industria (MTCI) entrega proposta kreditu suave ba Banco Nasionál Comercio Timor Leste (BNCTL), relasiona ho proposta ne’ebé hatama hosi mikro empresa ekonomia kiik sira, atu bele hala’o sira nia negósiu iha situasaun pandemia no kalamidade, tan ne’e empresariu kiik sira tenki kreativu liu tan, nune’e governu hola nia knaar atu fasilita kreditu ba empresa kiik sira hodi bele halo negosiu

Hafoin entrega proposta hosi MTCI ba BNTCTL liu hosi Vise Ministru MTCI, Domingos Lopes Atunes ba jornalista sira hateten, proposta sira ne’ebé hatama hosi empresa kiik sira foin simu20 resin, maibé kontinua halo sosializasaun atu ema barak mak submete ne’e di’ak liutan, tanba kreditu suave ne’e signifika kreditu funan kiik  3% ba tinan ida ne’ebé di’ak tebes, sira bele halo negósiu.

“Agora ne’e iha osan naton ita hakarak ema ba halo imprestimo iha banku, ita foin iha proposta 20 maibe ami kontinua halo sosializasaun para ema barak ne’e di’ak liu tan, ho situasaun kalamidade ita tenki uja oportunidade ne’e, para ema halo negósiu tanba iha vida empresaria ema tenki ativu liu, iha kreditu suave ne’e, kreditu nia funan kiik iha merkadu 3% ba tinan ida ne’ebé di’ak tebes ba negósiu kiik sira,” hateten Vise Ministru Domingos Atunes Lopes iha nia Knaar fatin Bebora, 25/04

Vise Ministru MTCI reforsa tan, osan ne’ebé fó ba empresa kiik sira,  ne’ebé hatama ona proposta 20 resin, bainhira halo selesaun nain 5 mak liu, tanba ne’e osan ne’ebé BNCTL transfere ba sira ne’e hahu hosi $1.000 to’o $25.000 nune’e atividade ne’e mós kontribui hotu ba rekuperasaun ekonomia.

Entertantu Xefe Diresaun Kreditu BNCTL, Zelio Benjamin da Costa realsa katak oportunidade ne’e di’ak tebes ba banku, atu bele atende liu tan negósiu kiik sira no kriteria ne’ebé mak aseita, rekejitu ne’ebé mak importante liu mak tenki iha planu negósiu ne’ebé di’ak no perfil empresa ne’ebé atualizadu no validu

Print Friendly, PDF & Email

LEAVE A REPLY

Please enter your comment!
Please enter your name here