Reportajen David da Costa Gusmao
Ministeriu Saude (MS) liu husi Sala Situasaun Centru Integradu Jestaun Krize (SS-CIJK) ohin rejista tan timoroan na’in ida mate ho COVID-19 iha izolamentu Vera Cruz, kazu foun ohin 278, iha Dili 185 no Munisípiu Manufahi 41.
Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo, informa katak kazu detetadu foun ne’ebé relata ohin loron 19 Agostu hamutuk ema na’in 278 no iha Dili 185, Manufahi 41, RAEOA 21, Liquiça 18 no munisipiu seluk hamutuk nain 13.
“Hosi total kazu detetadu foun ohin ne’e mane 146, no feto 132, Kazu foun hirak ho idade tinan<20:55 (19,7%);ho idade entre tinan 12-59 nain 215 (77,3 %); ho idade >60, no kazu detetadu foun ne’e, 140 kazus ka 50,4% maka sintomátiku (hatudu sintomas), “Dr. Rui esplika liu hosi komunikadu imprensa ne’ebe Neon Metin asesu iha loron, Kinta 19/08.
Nia haktuir ohin mos iha kazu rekuperadu hamutuk ema nain 55. Total kazu ativu ohin 19 Agostu tinan ne’e hamutuk ema nain 2.729. Total kazu konfirmadu kumulativu sura husi Marsu 21 2020 to’o mai ohin loron 19 Agostu tinan ne’e hamutuk 13.433.
“Ohin mos iha óbitu ema nain 1 mane, idade 47 timoroan, enkamiña husi Ermera mai HNGV, iha 5 Agostu 2021, ho diagnóstiku sindroma insufisiénsia respiratória aguda (SIRA) tanbá COVID-19 (PCR pozitivu ho CT Egene 33,3),” nia informa.
Nia esplika iha fatin isolamentu Vera Cruz, matebain hala’o tratamentu ho ventilasaun asistida, maibé horikalan meia-noite tan bá xoke séptiku no falénsia orgaun barak (multiple organ failure).
Nia deham Familia koordena hela ho ekipa saúde atu halo funeral tuir protokolu ne’ebé adopta iha Timor-Leste
Nia salienta hosi horseik mai ohin loron 8 Agostu tinan ne’e, Laboratóriu Nasionál Saúde halo testes Polymerase Chain Reaction (PCR) hamutuk ema nain 866 iha Dili no horseik iha munisipiu sira seluk, REAOA ho HNGV halo teste PCR ba ema hamutuk ema na’in 326.
