Home Notisia RENETIL Fó Omenajen Ikus Ba Saudozu Mau Loco Iha Sede RENETIL

RENETIL Fó Omenajen Ikus Ba Saudozu Mau Loco Iha Sede RENETIL

582
0
Militante no simpatizante RENETILfo omenajen ikus ba saudozu Mau Loco. [Foto: Francisco JDA | 18.08.2021]

Reportajen Francisco JDA

Resistencia Nacionál dos Estudantes de Timor Leste (RENETIL) fo omenajen ikus ba saudozu Agapito Cardoso “Mau Loco” nu’udar fundadór RENETIL molok ba haloot saudozu nia mate isin iha Jardín dos Herois da Patria-Metinaro

Mate isin saudozu Mau Loco to’o iha sede RENETIL iha ors tuku 14:00 meudia no simu husi Sekretariu Jeral (SekJen) RENETIL, Joaquim Fonseca “Russuo” ho militante tomak.

Liuhusi omenajen ikus, SekJen RENETIL hato’o sentimentu ba saudozu katak husi fini 10, hodi kuda funu iha funu maluk nia rain, fini 10 sai ba rihun kontinua funu ne’ebé hahú hodi buka atu ukun-an

“Kompañeiru ohin na’in Maromak bolu ona, ho laran todan tebes ami husik ita atu ba hamutuk ho aswa’in sira ne’ebé uluk tiha ona ita, liu ba karik iha lia sakat ka lia todan ruma iha ita nia leet, maun Kompañeiru lori hela ba, lori tiha ba husik hela de’it mai ami matak malirin, atu ami husi uma fukun RENETIL uma lisan hosi Same nian, hamutuk nafatin misaun lulik ne’ebé Kompañeiru sira hahú, no ita kontinua atu liberta rai ida ne’e, “ hatete Sekretáriu Jerál RENETIL, Joaquim Fonseca ” RUSSUO” iha Sede RENETIL, 18/08

Saudozu Agapaitu Cardozu” Mauloko ”  nia mate isin sai hosi Sede RENETIL ba jardim dos herois da patria iha oras tuku 14:30, akompaña husi ekipa frontline Ministeriu Saude, Centru Integradu Jestaun Krize, família hamutuk ho militante RENETIL, simpatizantes no estrutura tomak

Bainhira seremonia funeral remata, reprezentante matebian, Jose Soares hateten katak saudozu Agapito Cardosu mai hosi knua Boeloko, oan mane hosi knua Boeloko, hosi Same no hakat ba tasi balun hodi buka bukae, nune’e família nia esperansa katak, sei lori buat di’ak ba família ne’e maibé esperansa ne’e la hanesan ho saudozu nia prinsípiu

“Ami nia maun ida ne’e otas nurak, ema ne’ebé mak kalma nia sai hanesan lalenok ba ami Rotutu oan sira, atu fo konsella ba iha Dewan Solidaritas Manufahi nian, maibé karik saudozu halo buat ruma la kona iha kompañeiru sira nia laran atu rai hela iha mota, nune’e lori ba iha tasi laran,” hatete José Soares iha Metinaro

Print Friendly, PDF & Email

LEAVE A REPLY

Please enter your comment!
Please enter your name here