Home Notisia Programa Estuda Online La Efetivu, Januario: Estudante Iha Area Rural La Uza...

Programa Estuda Online La Efetivu, Januario: Estudante Iha Area Rural La Uza Smart Phone no Laiha TV

1281
0
portavoz Ekipa Ponta Leste, Januario Amaral. [Foto: Zevonia Vieira | 26.05.2020]

Reportazen Zevonia Vieira

Relasiona ho impaktu hosi moras surtu Covid-19, Centru Informasaun ba Impaktu Covid-19 (CIIC), halo konferensia hodi fo sai situasaun ne’ebe komunidadade sira hasoru durante Estadu Emerjensia (EE).

Liu hosi konferensia imprensa portavoz Ekipa Ponta Leste, Januario Amaral informa ba jornalista sira katak ekipa taskforce deskobre situasaun ne’ebe akontese iha municipiu Lautem, Baucau no Viqueque, liu-liu program hosi Ministeriu Edukasaun konaba estuda online ka estuda hosi uma la dun efetivu.

Neon Metin halo konfirmasaun relasiona ho estuda online, problema saida mak estudantr sira afeta no susar ba sira atu estuda online liga ho kurikulum ne’ebe mak Ministeriu Edukasaun fahe? Ba Neon Metin portavoz Januario hatan katak ekipa konsege akumula deit konaba kualidade no liu hosi monitorizasaun hatudu katak edukasaun online la efetivu.

“Dadus kuantidade laiha maibe kualidade iha no indikador hatudu katak edukasaun online ne’e la efetivu, tanba estudante balun hela iha area ne’ebe dok liu laiha rede ka jaringan, laiha telefone android hodi asesu hosi online, laiha televisaun no ida fali iha televisaun ne’e sira nonton fali chanel seluk duke programa ne’ebe fo sai hosi Ministeriu Edukasaun”, hateten Januario iha salaun FONGTIL, 26/05.

Alende konaba edukasaun online, Ekipa Ponta Leste mos deskobre problema seluk hanesan limitasaun rekursu finanseiru no materiais b entidade hirak ne’ebe serbisu ba kombate pandemia Covid-19 iha municipiu sira, kondisaun iklima ne’ebe difikulta movimentu ekipa sira ba prevensaun iha munisipiu, laiha programa regular ba monitorizasaun faselidade fase liman nian hanesan tanki laia bee, laiha sabaun,laiha brosura iha tanki no komunidade sira uza maskra, fase lliman tanba tauk entidade relevante ka seguransa ka laos tanba atu proteje an hosi virus Corona.

Print Friendly, PDF & Email

LEAVE A REPLY

Please enter your comment!
Please enter your name here