Home Notisia KSDS-KE Aseita Extende tan EE, PR Sei Hatama Pedidu Ba PN Hodi...

KSDS-KE Aseita Extende tan EE, PR Sei Hatama Pedidu Ba PN Hodi Deskuti Fila Fali

288
0
Prezidente da Republika halo enkontru ho KSDS-KE. [Foto: Santina Lucia da Costa | 26.05.2020]

Reportazen Santina Lucia da Costa

Prezidente da Republika halao enkontru Konsellu Superior Defeza no Seguransa (KSDS no Konsellu Estadu (KE), hodi rona membru sira nia hanoin konaba proposta governu ba Extensaun Estadu Emerjensia (EE) ba fulan ida tan.

Governu nia pedidu extendetan estadu emerjensia bazeia ba realidade kazu pozitivu Covid-19 aumenta globalmente. Tuir relatoriu hosi Organizasaun Mundial Saude (OMS) kazu konfirmadu ho Covid-19 iha nivel mundial hamutuk 5.240508 no Covid-19 sei kontinua alastra husi ema ba ema iha fatin ida ba fatin seluk no OMS fo sai tiha ona katak seidauk hatene bainhira mak rohan husi pandemia ne’e.

Xefe Casa Sivil, Fransisco Maria Vasconselhos hateten katak enkontru KSDS-KE ho Prezidente da Republika aseita ho extensaun estadu emerjensia tan, maibe Prezidente da Republika tenki enkamina pedidu governu ba Parlamentu Nasional, atu deskute hafoin Parlamentu Nasional autoriza ka la autoriza extensaun estadu emerjensia.

“Ohin reuniaun ho Konsellu Superior Defeza no Seguransa (KSDS) ho Konsellu Estadu (KE), hotu ona, depois sira fo sira nia opiniaun agora Prezidente da Republika Francisco Guterres Lu-Olo prepara hela pedidu governu nia ba Parlamentu Nasionalno sei deskuti no desidi, atu autoriza ka la autoriza tuir kompetensia Parlamentu Nasional”, hateten Xefe Casa Sivil ba jornalista sira iha Palasiu Prezidensial, Aitarak-Laran, loron 26/5.

Enkontru refere partisipa husi KSDS mak hanesan Primeiru Ministru, Taur Matan Ruak, Ministru Defeza no Ministru Interior Interinu, Filomeno da Paixão de Jesus, Ministru Negosiu Estranjeiru no Kooperasaun (MNEK), Deonisio Babo Soares, Ministru Justisa, Manuel Carceres, Eis-Primeiru Ministru, Dr. Rui Maria de Araujo, Xefe Estadu Maior Jeneral F-FDTL, Maijor Jeneral, Lere Anan Timur, Komandante Jeral PNTL, Komisariu, Faustino da Costa, no reprezentante Parlamentu Nasional, Deputadu, David Mandati, Abel Pires, Reprezentante Veteranus Jose Manuel “ Nakfila”, inklui reprezentante Sosiedade Sivil, Diretor FONGTIL Daniel dos Santos Carmo.

Enkuantu Konsellu Estadu (KE), Prezidente Parlamentu Nasional (PPN) Aniceto Guterres, Prezidente CNJTL, Maria Dadi Magno, Prezidente CCI-TL, Oscar Lima, Alcino de Araujo Barris, Konseleiru masimu Partidu KHUNTO, Jose dos Santos Naimori Bucar  no seluk tan.

Reuniaun KSDS-KE ho Prezidente Republika hahu iha tuku 9:30 dader no remata iha tuku 12:16 meudia.

LEAVE A REPLY

Please enter your comment!
Please enter your name here