Reportajen Silvino Freitas
Fundasaun Mahein (FM) konsidera nomeisaun ba komisariu no segundu komisariu jeral sei la komprimenta ba lei organika no lei estatuta Polisia Nasional Timor Leste (PNTL) tanba tuir kadeia kamandu nian ofisial dirijente superior neebe atu troka vaga komadante no segundu komadante jeral laiha, tanba nee Ministeriu Interior tenke rona no halo konsultasaun ba komisariu jeral iha enkontru konsellu superior polisial nian, nunee mos tinan barak ona politika sira politiza deit insituisaun PNTL la tuir lei organika no estatuta PNTL nian.
Diretor Fundasaun Mahein Nelson Belo dehan, tuir lei organiku PNTL numeiru 4/2024 konaba asuntu operasional no institusional ministeriu interior tenke rona no halo konsultasaun ba ofisiais dirijente superior PNTL nian liuhusi enkontru konsellu superior polisia nian, maibe too dadaun nee ministeriu seidauk halo hodi rona dirijente susperior konaba dezempenu ofisial dirijente no superior nian nunee ba asuntu ba nomeasaun komadante jeral no segundu komadante jeral iha hela tendensia politizasaun nia laran, nunee FM deskonfia katak iha ignoransia ba lei organika no estatuta PNTL nian numeiru 35/2024 tanba nee husi analiza husi FM ba lei estatuta PNTL nian iha artigu 47.
“analiza neebe FM halo ba situasaun real ida agora neebe lei husu atu assume kargu komadante jeral no segundu komadante jeral tenke iha stock dirijente PNTL hanesan asitente komisariu jeral ba dadaun nee komisariu jeral nee ida deit mak assume hela kargu nee kuandu nia ba signifika mamuk, komisariu asistente neebe tuir lei haruka atu compete iha vaga nee mos laiha lei nee husu atu assume komadante no segundu komadante jeral tenke iha asistente neebe halo ona knaar durante tinan 3” dehan Diretor Fundasaun Mahein Nelson Belo liuhusi konferensia imprensa iha edifisiu FM Hudi-laran Dili, (02/03).
Diretor Fundasaun Mahein Nelson Belo dehan tan, tuir kompleksidade refere hatudu atu halo promosaun ba sprentidente sira ba iha vaga komisariu nee tenke halo knaar iha vaga komisariu asistente nee iha tinan 3 maibe laiha nunee oinsa maka bele halo promosaun tuir lei estatuta polisial nian, nee dilematiku ida neebe ministeriu interior seidauk halo konsultasaun ho konsellu superior polisia nian nunee FM deskonfia iha politizasaun nomeasaun komisariu no segundu komisariu jeral PNTL nian, tanba iha dekretu lei numeiru 35/2024 mos hateten kuandu komisariu no segundu komisariu jeral halao hela knaar tenke iha stock barak atu bele halo kompetisaun maibe pesoal neebe assume komisariu no komisariu jeral nee ida deit no komisariu asistente nee laiha.
“tanba nee FM nia rekomendasaun maka tenke rona konsellu superior polisia atu bele hatene konaba ofisial dirijente no superior neebe halo hela knaar kuandu halo nomeiasaun ba suprentidenti em sefi neebe dadaun nee iha lubuk ida maibe balun iha ona idade apojontasaun no tuir lei iha artigu 63 neebe limite idade 60 liu labele compete iha vaga komisariu no segundu komisariu jeral inklui mos sira neebe reforma tiha ona iha governu anterior” dehan Diretor Fundasaun Mahein Nelson Belo.
Nelson Belo konklui, FM bolu atensaun ba politika sira neebe jere instituisaun PNTL atu labele troka postu sira nee tuir postu instituisaun sivil nian tanba troka la tuir lei bele estraga kadeia komandu iha instituisaun PNTL nian nunee fotifika instituisaiun ida neebe bele gaña konfiansa reputasaun nasional no internasional atu dezenvolvimentu PNTL nian alinea ho instituisaun seguransa iha nasaun ASEAN nian tanba nee selesaun ba komandu no segundu komandu jeral tenke iha selesaun neebe aplika tuir regra lei organika no lei estatuta PNTL nian.
“prosesu selesaun ministeriu interior tenke rona komadante jeral liuhusi enkontru konsellu superior polisia nian, tanba tinan barak nia laran PNTL nia dezenvolvimentu sofre ba politizasaun tanba nee maka prosesu selesaun tenke tuir lei estatuta PNTL hodi dezenvole PNTL tuir rekezitu iha polisia ASEAN nian” konklui Nelson Belo.
