Reportajen David da Costa Gusmao
Reprezentante Organizasaun Mundial Saúde (OMS) Arvind Marhut informa ema sira ne’ebé simu ona vasina, iha oportunidade primeiru bele kona virus Covid-19, maibe virus ne’e kmaan no sei la hadaet ba ema seluk.
“Ita sira ne’ebe simu vasina iha oportunidade primeiru ita bele kona virus Covid-19, maibe virus kaman, karik virus iha ita nia isin ne’e sei la hadaet ba ema seluk,” esplika Reprezentante OMS Arvind, Bainhira partisipa iha enkontru avaliasaun ba vasinasaun Covid-19 iha Novo Turizmu Lecidere, Kuarta 18/08.
Nia haktuir husi sira ne’ebe mak infetadu virus Covid-19, maioria sira ne’ebe mak seidauk tuir vasinasaun
“Ita nafatin fo informasaun ba populasaun sira atu bele sira hetan vasinasaun, maibe vasina ne’e laos fatór determinante, maibe ita mantein protokolu saude públiku hanesan uza maskra, fase liman, no distánsia sosiál, atu nune’e bele hado’ok hosi virus Covid-19 ida ne’e,” nia dehan.
Nia Salienta iha munisipiu Dili ema simu vasinasaun primeiru dozes atinje ona 70% no ba dozes daruak atinje ona iha 45%.
“Ita presiza serbisu maka’as no iha avaliasaun ida, lalaok saida mak ita presiza hadia, atu nune’e bele kobre fali 30% ne’ebe mak ita seidauk kobre, atu bele kompleta premeiru dozes ne’e, no ita mos bele hasae tan sira ne’ebe mak sae ba dozes daruak nian,” tenik nia.
Ni dehan OMS kazu sae nafatin, horseik kazu sae 200 resin signifika seidauk bele, maibe serbisu maka’as liu tan atu nune’e asegura komunidade atu ultrapasa situasaun ne’e.
