Home Notisia Inundasaun Iha Bekusi Ema nain 5 Mota Lori, 3 Konsege Salva,...

Inundasaun Iha Bekusi Ema nain 5 Mota Lori, 3 Konsege Salva, Mate 1, no 1 Seluk Sedauk Hetan

22405
0
Inundusaun boot akontese iha Dili laran. [Foto: Copyright facebook | 13.03.2020]

Reportazen Zevonia Vieira

Udan ne’ebe akontese iha Dili laran kuaze oras 4 nia laran, halo komunidade sira Dili laran tomak paniku, tanba inundusaun boot akontese.

Hosi udan boot no inundasaun refere rezulta ema barak sai vitima iha fatin balun. Bainhira Neon Metin halo entrevista via telephone ho komunidade Bekusi, Delia Bareto haktuir katak, udan boot  no inundasaun boot rezulta ema nain 5 sai vitima, nain 3 konsege salva, feto 1 mate, tanba rai henek taka metin, vitima 1 seluk mota lori to’o oras ne’e sedauk konsege hetan.

Iha parte Bekusi nian besik mota no bairo sira seluk ne’ebe infrenta inundasaun boot, konsege estraga komunidade barak nia uma tanba bee tama to’o iha uma laran.

Inundasaun ne’ebe akontese mos iha parte Becora nian, iha area terminal ne’ebe rezulta uma barak hetan estragus, iha parte ponte Maloa nian mota boot no nakou ho lixu plastiku, no konsege fo impaktu ba too iha Palacio Prezidensia nia laran.

Tuir obserasaun hosi Neon Metin impaktu hosi inundasaun halo trafiku boot iha Dili laran. Iha tempu hanesan EDTL mos hamate ahi iha bairo balun, hodi antisipa la akontese dezastre seluk hosi fiu eletrisidade .

To’o oras ne’e dadauk Neon Metin sedauk hetan informasaun ofisial hosi governu, konaba dezastre natureza ne’ebe akontese ba komunidade sira.

LEAVE A REPLY

Please enter your comment!
Please enter your name here