Home Notisia Komandu F-FDTL Fo Promosaun Diviza Ba Membru F-FDTL na’in 19

Komandu F-FDTL Fo Promosaun Diviza Ba Membru F-FDTL na’in 19

1418
0
Komandu FFDTL fo promosaun Diviza Ba Membru F-FDTL na’in 19. [Foto: Santina | 20.08.2021]

Reportajen Santina Lucia da Costa

Komandu FALINTIL Forsa Defeza Timor-Leste (F-FDTL) halo promosaun diviza ba membru hamutuk na’in 19 ba ofisiais ho postu alferes no Sarjentu Tenente. Promosaun diviza ne’e hala’o iha ámbitu komemorasaun loron FALINTIL  ba dala-46.

Xefe Estadu Maiór Jenerál F-FDTL, Tenente Jenerál, Lere Anan Timur hateten militar sira ne’ebé termina ona sira nia formasaun iha instituisaun sira iha  estranjeira, mak ohin promove ba ofisiais, no parabens ba imi nia esforsu  no susesu iha serbisu.

Nia husu mós ba membru sira ne’ebé hetan ona promosaun, atu presta imi nia responsabilidade iha imi nia atuasaun la’os de’it hanesan ema ofisiais, maibé mós nu’udar indivídu atu iha responsavel militár.” hateten Tenente Jenerál, Lere Anan Timur, iha nia diskursu, iha Quarter Jeral F-FDTL, Fatuhada, 20/8.

Membru sira ne’ebé hetan promosaun hafoin remata kursu akademia militar husi Xina, Japaun no Nova Zelándia ba Postu Alferes ka Sub Tenente mak hanesan, Fernando da Costa Xavier, husi postu primeiru Sarjentu ba Alferes, Aderito da S. Seran, Julio Pedro Gracia, Graciano dos Santos Cruz, Elias D. C. D. A. Mantilo, husi segundu Sarjentu ba Sarjentu Tenente, Izac Liu Tavares, Artur Machado D. Jesus, husi postu segundu  Sarjentu ba Alferes, Bernadino Freitas Vaz ho Charles Gomes de Deus, husi postu Soldadu ba Alferes.

Enkuantu, Filipe da Costa Freitas, Arzito Savio Teles, husi postu Primeiru Sarjentu ba Alferes, Mateus de Jesus da Costa Correia, husi postu primeiru Sarjentu ba Sarjentu Tenente, Flaviano M. Mendonça, Gabrel Angelo no Antonio Duarte Soares, husi Postu Segundu ba Alferes, Abelino Amaral, Maria Fatima Xavier, Shadana Bai B. S.V da Costa ho Marcelino da Costa Vicente husi Postu Soldadu ba Alferes.

Membru na’in 19 ne’e, kompostu hosi Komponente Naval, na’in 5, Komponente Apoiu Serbisu, na’in 2, Komponente Terrestre, na’in 2,  Komponente Formasaun no Terrenu, na’in 1, Polisia Militar, na’in 3, no Komponente Aereo, na’n 5.

Print Friendly, PDF & Email

LEAVE A REPLY

Please enter your comment!
Please enter your name here