Home Notisia Ultima Hora, Xanana ho Familia Matebian Sei Iha Sala Isolamentu Vera Cruz

Ultima Hora, Xanana ho Familia Matebian Sei Iha Sala Isolamentu Vera Cruz

1785
0
Dotora Virna no Sam koalia hela ho lider nasional Xanana Gusmao. [Foto: Francisco JDA | 12.04.2021]

Reportazen Francisco JDA

Centru Integradu Jestaun Krise (CIJK) liu hosi ekipa konjunta saúde desinfekta ona mate isin ne’ebe diagnostikadu pozitivu COVID-19 ne’ebé dadaun ne’e tau hela iha sala Isolamentu Vera Cruz  no kaixaun ne’ebé prepara hosi família matebian nafatin tau iha kareta pick up nia laran ne’ebé taka metin ho lona.

Liu hosi observasaun jornalista Neon Metin iha terenu nota katak dadauk ne’e família matebian hamutuk ho lider nasional Xanana Gusmao no Polisia Nasionál Timor Lorosa’e (PNTL ) no  Falintil- Forsa Defeza Timor-Leste (F-FDTL)  kontinua halao seguransa iha portaun isolamentu Vera Cruz nian

Hafoin doutor sira iha sala isolamentu, ko’alia ho Xanana Gusmao maibé Xanana dehan katak nia hakarak toba iha isolamentu no kontinua hein nafatin

Maske dezisaun hosi CIJK deside katak atu lori ba haloot iha Metinaro, maibé la konsege tanba Xanana Gusmao no familia matebian la aseita no hakarak lori ba família matebian nia uma

Nune’e situasaun atualidade iha sala isolamentu Vera Cruz la’o normal, tanba hetan seguransa maxima hosi PNTL no F-FDTL

Maibé familia matebian kontinua hakilar hosi li’ur tama ba isolamentu ho lian makas katak,“desizaun kleur los, lori mai ami atu ba ona,” hakilar família matebian hosi li’ur“.

Iha oras tuku 21:00 kalan ne’e Dra. Virna no Dr. Sam halao hela komunikasaun ho Xanana Gusmao iha sala isolamentu nia oin.

Print Friendly, PDF & Email

LEAVE A REPLY

Please enter your comment!
Please enter your name here