Home Notisia Forum Juventude Defisiénsia Ermera Husu Governu Apoiu Tratór Fera Rai Ba Sira...

Forum Juventude Defisiénsia Ermera Husu Governu Apoiu Tratór Fera Rai Ba Sira nian Grupu

1056
0
Membru Forum Juventude Defisiénsia Ermera (FJDE) Carlito Soares Hamoos hela Modo nian du'ut, (Foto-David).

Reportajen David da Costa

Grupu Forum Juventude Defisiénsia Ermera (FJDE), husu ba iha governu liuliu ba iha Ministériu Agrikultura atu hele apoiu  tratór ba sira nian grupu, atu nune’e sira bele  uza hodi fera rai, atu nune’e bele kuda sira nia produtu sira hodi sustenta ba sira nian moris.

Membru grupu Forum Juventude Defisiénsia Ermera (FJDE) Carlito Soares, hateten,  sira nian grupu defisiénsia ne’e rasik maka ba husu tratór fera rai ba parte Ministériu Agrikultura iha Munisípiu Ermera, maibé husi parte Ministériu Agrikultura Munisípiu Ermera  resposta mai grupu FJDE  katak sira bele ense rasik mina ba tratór hodi fera rai.

“Iha ami nian atividade ortikultura nian ne’e,  ami  husu tratór ba iha MAP iha Munisípiu Ermera, maibé sira haruka ami enxe rasik mina ida ne’e hau sente  susar ida mai mai, tuir lolos ami kuandu ba ne’e prontu ona mas sira husu fali ami hodi enxe mina ba tratór. Ami mós ba husu modo musan ka fó treinamentu mós labele, ami nia toos ne’e extensionista sira la ajuda, ami fó osan ba ense mina mak sira fóin mai ta rai, ami mós hakarak hetan formasaun hodi kontribui, ami kuda mós kuda los deit, laiha fórmasaun hodi hasae ami nia koñesimentu,” dehan membru FJDE   Carlos ba Jornalista iha Aldeia Palemanu, Suku Fatuquero, Sexta 19/04.

Iha fatin hanesan Koordenador Forum Joventude Defisiénte Ermera (FJDE), Marcos de Dues Martins, mós haktuir, durante ne’e ekipa FJDE  tenta halo komunikasaun ho parte MAP Munisípiu Ermera  atu apoiu material sira hanesan traktór ba iha grupu FJDE maibé la iha resposta pozitivu ida.

“Durante nee ami nia ekipa tenta duni halo komunikasaun ho MAP Ermera, maibé  sira nia responde mak presiza ense mina rasik hodi responde ba atividade ami halo, nee problema ida ba ami,” dehan Koordenador FJDE.

Nia esplika, husi parte MAP nian sira la hetan apoiu  maibé uluk sira nian grupu FJDE ne’e hetan apoiu ba balun husi parte Sekretariu Estadu Joventude no Desportu liu husi fundu empreendedorizmu

“Ita seidauk hetan husi MAP, maibé husi SEJD liu hudi fundu emprendedorismu ne’e ami hetan $100,00, hodi  reforsa ami nia atividade kria espasu ba merkadu, maibé apoiu seidauk maximu,”

Nia husu ba  governu hanesan MCI no MAPPF, atu apoiu  ekipamentu ba iha sira nia grupu, “ami hanoin atu hadia ami nia fatin mas kbiit la to’o, karik governu iha posibilidade mak governu buka tuir tok hodi apoiu ami, ami mo hakarak hetan kapasitasaun ba membru sira hodi hasae skill no kapasidade liu-liu ba agrikultura nian.

Hatan ba prekupasaun grupu FJDE nian, Ministériu Agrikultura no Peskas Munisípiu Ermera, Diretór Institutu Servisu Agrikultura,Marcos de Jesus Martins, hateten, sira iha difikuldade kona-ba traktór neebé fera rai iha munisípiu Ermera, tanba maioria tratór sira avaria hotu ona.

“Hanesan iha defisiénte ita prontuatu fó apoiu, agora difikuldade ne’ebé hasoru dala ruma mai traktór la iha, mina la iha ne’e realidade iha terenu mak hanesan nee, ami nia mina kada tinan ne’e dala ruma tarde , maibé kuandu tarde ona sira mai urjente ami husu sira atu bele ense rasik mina, ami dehan halo akta konkordansia ida hodi ense mina atu bele halo servisu,”dehan Marcos.

Nia esplika traktór iha Munisípiu Ermera hamutuk  13,  maibé husi traktór sira nee hela tolu deit mak funsiona hodi halo servisu sira entaun ida ne’e la maximu no difikuldade ida mós mai iha MAP Munisípiu Ermera.

“Apoiu husu traktór iha tinan kotuk dala ruma iha difikuldade balun, dadaun mós iha ami nia fatin kuaze tratór maioria avaria, ita iha munisípiu iha traktór 13, haat ne’e iha Sare, sia iha Ermera, haat iha Sare nee avaria total, agora iha Munisípiu neen avaria, hela tolu mak halo servisu la dun maximu tanba iha kondisau ida moras ituan, ita hanoin atu halo manutensaun ba traktór hirak nee,” nia esplika liu tan.

Print Friendly, PDF & Email

LEAVE A REPLY

Please enter your comment!
Please enter your name here